ब्रेकिंग न्युज
नर्सिंगच्या नवीन अभ्यासक्रमामुळे संधी वाढल्याकुणबी प्रमाणपत्र न मिळाल्याने पालवण येथील मराठा तरुणाची आत्महत्या ..!बिंदुसरा नदीपात्राशेजारील ३०० घरांना महापुराचा धोका ; मान्सुनपुर्व साफसफाईची जिल्हाधिका-यांना मागणी   :- डॉ.गणेश ढवळेआळंदी मंदिरात मोहिनी एकादशी साजरी मंदिरात लक्षवेधी पुष्पसजावट; दर्शनास गर्दीसांगली येथे १० दिवशीय आर.एस.पी. प्रशिक्षण शिबीर संपन्नश्री शंभुसुर्य मर्दानी खेळ व मल्लखांब प्रशिक्षण संस्था जामखेड आयोजित भव्य शिवकालीन युद्धकला प्रशिक्षण शिबिर मोठ्या उत्साहात संपन्न….लोकसभेच्या निवडणुकी मुळे महाराष्ट्रातील बीजेपीचे त्रिमूर्ती सरकार दुष्काळ हाताळण्यात अपयशी – वसंत मुंडे बलात्कार केल्याच्या आरोपातून आरोपीला जामीन मंजूरगटशिक्षणाधिकारी बाळासाहेब धनवे : जामखेड तालुक्याच्या शैक्षणिक क्षेत्रात क्रांती घडविणारे जामखेडचे भूमिपुत्रपंकजाताई मुंडे यांचा नाशिक मतदारसंघात झंझावात ;  डाॅ. भारती पवार यांच्या प्रचारार्थ सोनगावात जोरदार सभा

पाकिस्तानचे पंतप्रधान इमरान खान यांच्यावर मोठी नामुष्की आली

इस्लामाबाद : पाकिस्तानचे पंतप्रधान इमरान खान यांच्यावर मोठी नामुष्की आली. पाकिस्तानमधील सिनेट निवडणुकीतज्या अर्थमंत्री अब्दुल हाफिज शेख यांच्या प्रचारासाठी स्वतःइमरान खान फिरले, त्यांचाच या निवडणुकीत पराभव झाला. इमरान सरकारच्या अर्थमंत्र्याचाच पराभव झाल्याने पाकिस्तानमधील विरोध पक्षांनी इमरान खान यांच्या राजीनाम्याची मागणी केली. अखेर राष्ट्रपती आरिफ अल्वी यांनी संसदेचं विशेष अधिवेशन बोलावत इमरान सरकारला आपलं बहुमत सिद्ध करायला लावलं. सरकारविरोधात अविश्वास ठराव दाखल झाल्याने इमरान खान यांचं सरकार बहुमत मिळवू शकणार की नाही याची जोरदार चर्चा होती. मात्र, अखेर इमरान यांनी विश्वास मत जिंकलं आहे.

पाकिस्तानमध्ये सर्वच विरोधी पक्ष इमरान सरकारविरोधात एकजूट झाले आहेत. 11 विरोधी पक्षांनी पाकिस्तान डॅमोक्रेटिक मूव्हमेंट नावाने महाआघाडी तयार केलीय. याच ताकदीवर पाकिस्तानमधील विरोधी पक्षांच्या पाकिस्तान डॅमोक्रेटिक मूव्हमेंटचे उमेदवार आणि माजी पंतप्रधान यूसुफ रजा गिलानी यांनी सत्ताधारी पाकिस्तान तहरीक-ए-इंसाफचे उमेदवार अब्दुल हाफिज शेख यांचा निकटच्या लढाईत पराभव केला. यामुळे इमरान सरकारवर बहुमत सिद्ध करण्याची नामुष्की आली.

इमरान सरकारविरोधात अविश्वास ठराव दाखल झाल्याने बहुमत चाचणी घेण्यात आली. यात मतविभाजन टाळण्यासाठी विरोधीपक्षांनी या बहुमत चाचणीवर बहिष्कार घातला. 342 सदस्यीय संसदेत इमरान सरकारला बहुमतासाठी 172 मतं आवश्यक होती. त्यामुळे त्यांचा जीव चांगलाच टांगणीला लागला होता. अखेर, बहुमत चाचणीत इमरान सरकारने 178 मतं मिळवत बहुमत सिद्ध केलं.

बहुमत सिद्ध करण्यासाठी इमरान खान यांच्याकडून जोरदार प्रयत्न

सरकारविरोधात अविश्वास ठराव दाखल झाल्याने इमरान खान यांना मोठा झटका लागला. त्यांनी या संकटाचा सामना करण्यासाठी तात्काळी सत्ताधारी युतीच्या नेत्यांची बैठक बोलावली. तसेच सर्वांना सरकारच्या बाजूने मतदान करण्यासाठी तयार केलं. यामुळेच इमरान सरकार बहुमत सिद्ध करु शकलं.

बहुमत सिद्ध केल्यानंतर इमरान खान काय म्हणाले?

बहुमत सिद्ध केल्यानंतर इमरान खान यांनी नॅशनल असेंब्लीला संबोधित केलं. यावेळी त्यांनी तेथे उपस्थित नेत्यांचे आभार मानले. ते म्हणाले, “जेव्हा तुम्ही अडचणी असता आणि त्या अडचणींचा सामना करता तेव्हा तुम्ही अधिक मजबूत होता . माझी सर्वात मोठी शक्ती बुद्धी आहे. मी माझ्या सर्व मंत्र्यांचे आभार मानतो. सरकारला मतं देणाऱ्या प्रत्येकाचे आभार.”

इमरान समर्थकांकडून पाकिस्तानच्या माजी पंतप्रधानांना मारहाण

पाकिस्तानच्या संसदेत बहुमत चाचणीसाठी मतदान होत असताना संसदेबाहेर मोठा गदारोळ पाहायला मिळाला. इमरान समर्थकांना अनेक विरोधी पक्षाच्या नेत्यांवर हल्ला केला. पाकिस्तानचे माजी पंतप्रधान शाहिद खाकान अब्बासी यांना इमरान खान समर्थकांनी मारहाण केली. यानंतर अब्बासी समर्थकांनी त्यांना वाचवलं. तेव्हा हल्ला करणारे पळाले. पीएमएलएन नेता अहसान इकबाल यांच्यावरही चप्पल फेकण्यात आली.”

error: Content is protected !!