ब्रेकिंग न्युज
नर्सिंगच्या नवीन अभ्यासक्रमामुळे संधी वाढल्याकुणबी प्रमाणपत्र न मिळाल्याने पालवण येथील मराठा तरुणाची आत्महत्या ..!बिंदुसरा नदीपात्राशेजारील ३०० घरांना महापुराचा धोका ; मान्सुनपुर्व साफसफाईची जिल्हाधिका-यांना मागणी   :- डॉ.गणेश ढवळेआळंदी मंदिरात मोहिनी एकादशी साजरी मंदिरात लक्षवेधी पुष्पसजावट; दर्शनास गर्दीसांगली येथे १० दिवशीय आर.एस.पी. प्रशिक्षण शिबीर संपन्नश्री शंभुसुर्य मर्दानी खेळ व मल्लखांब प्रशिक्षण संस्था जामखेड आयोजित भव्य शिवकालीन युद्धकला प्रशिक्षण शिबिर मोठ्या उत्साहात संपन्न….लोकसभेच्या निवडणुकी मुळे महाराष्ट्रातील बीजेपीचे त्रिमूर्ती सरकार दुष्काळ हाताळण्यात अपयशी – वसंत मुंडे बलात्कार केल्याच्या आरोपातून आरोपीला जामीन मंजूरगटशिक्षणाधिकारी बाळासाहेब धनवे : जामखेड तालुक्याच्या शैक्षणिक क्षेत्रात क्रांती घडविणारे जामखेडचे भूमिपुत्रपंकजाताई मुंडे यांचा नाशिक मतदारसंघात झंझावात ;  डाॅ. भारती पवार यांच्या प्रचारार्थ सोनगावात जोरदार सभा

अर्थसंकल्प सर्वोत्तम आणि सामान्य जनतेसह शेतकऱ्यांना दिलासा देणारा-अमरसिंह पंडित

अर्थसंकल्प सर्वोत्तम आणि सामान्य जनतेसह शेतकऱ्यांना दिलासा देणारा-अमरसिंह पंडित
===============
बीड ( प्रतिनिधी) सरकारने आज मांडलेला अर्थसंकल्प सर्वोत्तम आणि आदर्श असून संपुर्ण राज्यासह बीड जिल्हाच्या विकासासाठी अर्थसंकल्पात चांगले निर्णय झाले आहेत. ३ लाख रुपयांपर्यंत कर्ज घेणाऱ्या शेतकऱ्यांना
० % व्याज दराने कर्ज उपलब्ध करून देण्याच्या घोषणेसह अर्थसंकल्पातून बीड जिल्ह्यातील तिर्थक्षेत्रांच्या विकासासाठी निधीचा वर्षाव केला असून अर्थमंत्री ना. अजितदादा पवार आणि जिल्हाचे पालकमंत्री ना. धनंजय मुंडे यांनी बीड जिल्ह्याच्या आर्थिक विकासाला मोठा हातभार लावला असल्याचे प्रतिपादन माजी आमदार अमरसिंह पंडित यांनी केले. राज्याच्या अर्थसंकल्पावर प्रसिद्धी पत्रकाद्वारे प्रतिक्रिया देताना ते बोलत होते.

प्रसिध्दीस दिलेल्या पत्रकात अमरसिंह पंडित पुढे म्हणाले की, राज्याचा अर्थसंकल्पात अतिशय चांगले आणि स्वागतार्ह निर्णय घेण्यात आले आहेत.
राज्यात पहिल्या स्वतंत्र महिला राज्य राखीव दलाची घोषणा, क्रांतीज्योती सावित्रीबाई फुले यांच्या नावाने ग्रामीण भागातील विद्यार्थिनींना शिक्षणासाठी मोफत एसटी प्रवास करण्याची योजना,
महिलेच्या नावे घर खरेदी केल्यास मुद्रांक शुल्कात सवलत देणारी राजमाता जिजाऊ गृहस्वामीनी योजना, ३ लाख रुपयांपर्यंत कर्ज घेणाऱ्या शेतकऱ्यांना ०% व्याज दराने कर्ज उपलब्ध करून देण्याची योजना आणि स्व. गोपीनाथ मुंडे ऊसतोड कामगार महामंडळाला निधी देण्यासाठी साखर कारखान्यांकडून ऊस गळापानुसार प्रतिटन १० रुपये आकारून तेवढाच निधी देण्याची घोषणा या शेतकरी, महिला, विद्यार्थिनी आणि सामान्य जनतेला दिलासा देणा-या आहेत.

बीड जिल्ह्यातील विविध विकासकामांसाठी यावर्षीच्या अर्थसंकल्पात भरभरून तरतूद करण्यात आली आहे. जिल्ह्यातील विविध तिर्थक्षेत्राच्या विकासासाठी निधीचा वर्षाव करण्यात आला आहे. जिल्ह्यातील बारा ज्योतिर्लिंगांपैकी एक असलेल्या परळी येथील वैद्यनाथ तीर्थक्षेत्र विकास, माजलगाव येथील भगवान पुरुषोत्तम यांच्या प्राचीन मंदिराचा जीर्णोद्धार व परिसराचा विकास, यासह जिल्ह्यातील नारायणगड, गहिनीनाथगड तसेच जिल्ह्याच्या सीमेवर असलेल्या भगवानगड या तीर्थ क्षेत्रांच्या विकासासाठी यावर्षीच्या अर्थसंकल्पात भरीव तरतूद करण्यात आली आहे.
बीड जिल्ह्याचे पालकमंत्री ना. धनंजय मुंडे यांनी मंत्री पदाची शपथ घेतल्यानंतर नारायणगड, भगवानगड, गहिनीनाथगड आदी तिर्थक्षेत्रांचा दौरा करून त्याठिकाणी भरीव विकासनिधीच्या मार्फत विकासकामे हाती घेण्याचा शब्द दिला होता. तो शब्द खरा करण्यात आणि तीर्थस्थळे विकसित करण्यासाठी निधी खेचून आणण्यात ना. मुंडें. यांना यश आले असल्याचे सांगून माजी आमदार अमरसिंह पंडित यांनी उपमुख्यमंत्री तथा अर्थमंत्री ना. अजितदादा पवार आणि जिल्ह्याचे पालकमंत्री ना. धनंजय मुंडे यांचे आभार प्रसिद्धी पत्रकात शेवटी मानले आहेत.

error: Content is protected !!