उत्तर सोलापूर तालुक्यातील विद्यार्थ्यांना शैक्षणिक प्रमाणपत्र (अफेडेव्हीट) देण्यास तात्काळ सुरू करण्यात यावे.

सोलापूर संपादक – महेश पवार

प्रतिनिधी – संतोष विभूते

उत्तर सोलापूर तालुक्यातील विद्यार्थ्यांना शैक्षणिक प्रमाणपत्र (अफेडेव्हीट) देण्यास तात्काळ सुरू करण्यात यावे.अशी मागणी सोलापूर जिल्हा युवक काँग्रेसचे जनरल सेक्रेटरी, तसेच गुळवंची गावचे उपसरपंच सागर राठोड यांनी उत्तर सोलापूर तालुक्याचे नायब तहसीलदार विश्वजीत गुंड यांना निवेदनाद्वारे केली आहे.
सध्या दहावी व बारावीच्या विद्यार्थ्यांचा निकाल जाहीर झाला असून विद्यार्थ्यांना भविष्यातील शैक्षणिक प्रवेशासाठी शैक्षणिक प्रमाणपत्र (अफेडेव्हीट) आवश्यक आहे. परंतु उत्तर सोलापूर तालुक्यातील तहसील ऑफिसमधून मंडल अधिकाऱ्यांमार्फत दहावी व बारावीच्या विद्यार्थ्यांना शैक्षणिक प्रमाणपत्र देण्याचे बंद करण्यात आले आहे त्यामुळे विद्यार्थ्यांची गैरसोय होत आहे तसेच पुढील प्रवेशाची अंतिम तारीख संपण्याच्या अगोदर सर्व कागदपत्रे शैक्षणिक प्रवेशासाठी जमा नाही केल्यास, विद्यार्थ्यांचे फारमोठे शैक्षणिक नुकसान होणार आहे. याची दखल घेऊन तसेच विद्यार्थ्यांचे शैक्षणिक नुकसान होऊ नये म्हणून, उत्तर सोलापूर तालुक्यातील तहसीलदार यांना सोलापूर जिल्हा युवक काँग्रेसचे जनरल सेक्रेटरी सागर राठोड यांनी निवेदनाद्वारे दहावी व बारावी विद्यार्थ्यांना शैक्षणिक प्रमाणपत्र देण्यास मान्यता द्यावी अशी विनंती केली आहे.यावेळी बेलाटीचे उपसरपंच प्रभु राठोड, कुलदिपभोसले,बाळु पवार, विशाल भगत, महेश सपाटे, रामकृष्ण पारवे आदी उपस्थित होते.

Related posts:

होनसळ गावातील वाहून गेलेला तरुण तब्बल ३६ तासानंतर मृत देह सापडला… हिप्परगा तळे येथील हर्षवर्धन हायस्कूल मधील विद्यार्थ्यांना शैक्षणिक साहित्याचे वाटप . . . दूध संघ निवडणूक बंद खोलीत राजकीय ‘खलंबत’ निर्णय नाहीच . . . . सोलापूर ग्रामीण पोलीस दलाची धडाकेबाज कामगिरी, सोलापूर तालुका पोलीस ठाणे हद्दीतील अतिसंवेदनशील खूनासह दरोडयाच्या गुन्हयाची उकल ०६ आंतरजिल्हा दरोडेखोरांना अटक.