डॉ. बाबासाहेब आंबेडकर महाविद्यालयात संविधान दिनी “संविधान गौरव स्पर्धेचे” आयोजन…
कोकण संपादक / भरत सरपरे
स्वातंत्र्याच्या अमृतमहोत्सवात २६ नोव्हेंबर रोजी होत असलेल्या भारतीय संविधान गौरव दिनानिमित्त भव्य संविधान गौरव स्पर्धा ही संविधान निर्मात्याच्या मूळगावी आंबडवे या ठिकाणी आयोजीत करण्यात आली आहे अशी माहिती डॉ. बाबासाहेब आंबेडकर महाविद्यालयाचे या स्पर्धेचे केंद्रप्रमुख सहा. प्रा. अरुण ढंग यांनी दिली.
या स्पर्धेच्या निमित्ताने नुरखा पठाण यांनी लिहिलेल्या “आपले संविधान” या पुस्तकाचे वाटप विद्यार्थ्यांना करण्यात आले. यावेळी आयोजीत कार्यक्रमात महाविद्यालयाचे समन्वयक डॉ. अंशुमन मगर म्हणाले की,” सर्व विद्यार्थी व जनतेला संविधानाप्रति जागरूक करणे, त्यांच्यात संविधान विषयक चिकित्सा निर्माण करणे, प्रत्येक घरात संविधान पोहचवने, विद्यार्थ्यांना संविधानाचा अभ्यास करण्यास प्रवृत्त करणे हा या स्पर्धेचा उद्देश आहे.”
या स्पर्धसाठी महाविद्यालयातून ५० विद्यार्थ्यांनी सहभाग नोंदवला आहे. ही स्पर्धा सर्वांसाठी खुली असून इच्छूक व्यक्तीनी महविद्यालयाशी संपर्क साधावा असे आवाहन समन्वयक डॉ. अंशुमन मगर यांनी केले आहे.