धनंजय कुलकर्णी-उपसंपादक,दै.महाराष्ट्र सूर्योदय
‘साहेब, निर्णय मागे घ्या’, कार्यकर्ते रडले, हात जोडून पवारांसमोर उभे राहिले
मुंबई(प्रतिनिधी),- 02 मे : राष्ट्रवादीचे अध्यक्ष शरद पवार यांनी राष्ट्रवादीच्या अध्यक्षपदावरून पायउतार होण्याचा निर्णय घेतला आहे. या निर्णयामुळे एकच खळबळ उडाली आहे. सभागृहात राष्ट्रवादीचे कार्यकर्ते पुरत हादरले आहे. साहेब निर्णय मागे घ्या अशी घोषणाबाजीच सुरू केली, एवढंच नाहीतर कार्यकर्ते रडत शरद पवार यांच्यासमोर हात जोडून उभे आहे. शरद पवार यांनी निर्णय मागे घ्यावा, यासाठी कार्यकर्ते एकच घोषणाबाजी करत आहे.
‘लोक माझा सांगाती’ या पुस्तकाच्या प्रकाशन सोहळ्याच्या दिवशी राष्ट्रवादीचे सर्वसर्वा शरद पवार यांनी मोठी घोषणा केली आहे. कुठे थांबायचं हे मला कळतं, म्हणून एनसीपीच्या अध्यक्षपदावरुन निवृत्त होणार असल्याची घोषणा यावेळी शरद पवार यांनी केली. त्यांच्या या घोषणेनंतर राजकीय वर्तुळात खळबळ उडाली. यानंतर आता नवा अध्यक्ष कोण होणार यावरुन चर्चांना उधाण आलं आहे. राष्ट्रवादीचे अध्यक्ष शरद पवार यांच्या ‘लोक माझे सांगाती’ या पुस्तकाच्या दुसऱ्या भागाचे आज प्रकाशन झाले. या पुस्तकात शरद पवार यांनी अनेक खळबळजनक खुलासे केल्याची चर्चा आहे. या सोहळ्यात शरद पवारांच्या निवृत्तीच्या घोषणेमुळे कार्यकर्त्यांना धक्काच बसला आहे.
Related posts:
मोठा निर्णय :१५ फेब्रुवारीपर्यंत राज्यातील महाविद्यालयं बंद
एसटी विलीनीकरणाचा त्रिसदस्यीय अहवाल सादर करण्यासाठी मुंबई उच्च न्यायलयाचे राज्यसरकारला दिली मुदतवाढ
ओबीसींना राजकीय आरक्षण देण्यासंदर्भातल्या विधेयकावर राज्यपालांची स्वाक्षरी
महाराष्ट्रातील विद्यार्थ्यांचं नेमकं संख्याज्ञान किती? राष्ट्रीय सर्वेक्षण अहवालातून समोर आली धक्कादायक माहिती
