महेन्द्र भगत अंजनगाव सुर्जी तालुका प्रतिनिधी:
लोकशाहीर डॉ.अण्णाभाऊ साठे यांचे नातू तसेच मानवहित लोकशाही पक्षाचे संस्थापक अध्यक्ष सचिन साठे यांच्या अध्यक्षतेखाली तथा मार्गदर्शनात, महाराष्ट्र प्रदेश सचिव आकाश घोलप यांच्या नेतृत्वात, सचिन इंगळे यांची मानवहित लोकशाही पक्ष सोशल मीडिया अमरावती जिल्हा अध्यक्षपदी निवड करण्यात आली आहे.
जिल्ह्यात प्रतिकूल परिस्थितित तळागाळापर्यंत समाजकार्यात अग्रेसर राहुन मानवतावादी विचार पोहोचवण्यासाठी प्रामाणिकपणे काम करणा-यांपैकी सचिन इंगळे हे एक आहेत. मानवहित लोकशाही पक्षाचे काम व विचारसरणी हे जिल्ह्यातील घरा-घरात प्रत्येक नागरिकापर्यंत पोहचवीण्यासाठी मी सदैव कटिबद्ध राहणार असल्याचे प्रतिपादन सचिन इंगळे यांनी बोलताना केले. त्यांच्या या निवडीबद्दल त्यांच्यावर सर्व स्तरावरुन अभिनंदन व शुभेच्छांचा वर्षाव होत आहे. त्यांनी आपल्या निवडीबद्दल व संधि दिल्याबद्दल मानवहित लोकशाही पक्षाचे संस्थापक अध्यक्ष सचिन साठे आणी महाराष्ट्र प्रदेश सचिव आकाश घोलप यांचे आभार मानले.