टायगर गु्रपची बीडमध्ये एन्ट्री
सामाजिक कार्यकर्ते अविनाश जाधव शेकडो कार्यकर्त्यांसह करणार प्रवेश
बीड (प्रतिनिधी):- महाराष्ट्रात सामाजिक क्षेत्रात उंच भरारी घेत सामान्यांच्या जीवनातील अडीअडचणीला सदैव मदत करणारे पैलवान तानाजीभाऊ जाधव यांच्या टायगर ग्रुपची बीडमध्ये इन्ट्री होत असून बीड येथील सामाजिक कार्यकर्ते अविनाश जाधव यांच्यासह शेकडो कार्यकर्त्यांचा दि. 20 फेब्रुवारी रोजी करमाळा येथे तानाजीभाऊ जाधव यांच्या उपस्थितीत प्रवेश होणार आहे. अनेक बेरोजगार तरूणांना टायरगु्रपच्या माध्यमातून रोजगार मिळून देण्याचे कार्य तानाजीभाऊंनी मोठ्या तळमळीने केले असून या कार्याचा आदर्श डोळ्यासमोर ठेवून टायगर ग्रुपच्या माध्यमातून सामाजिक कार्य करण्याचे अविनाश जाधव यांनी ठरवले आहे.
राजकीय, सामाजिक व अनेक क्षेत्रातील मातब्बरांना पै.तानाजीभाऊ जाधव यांच्या कार्याची दखल घेतली आहे. टायगर ग्रुपच्या माध्यमातून महाराष्ट्रभर मित्र परिवाराचे जाळे निर्माण करण्यात आले आहे. अडचणीत सापडलेल्यांना टायगर ग्रुप मदत करतो, अन्याय-अत्याचाराविरोधात उभा राहतो. टायगर ग्रुपच्या एका हाकेला हजारो तरूण तात्काळ जमा होतात. हीच ताकद टायगर ग्रुपने कमावली आहे. तानाजीभाऊ जाधव यांच्या कार्याचा आदर्श डोळ्यासमोर ठेवत बीडचे सामाजिक कार्यकर्ते अविनाश जाधव यांनी टायगर ग्रुपच्या माध्यमातून सामाजिक कार्य करण्याचे ठरवले आहे. यासाठी दि. 20 फेबु्रवारी रोजी ता.करमाळा,जि.सोलापूर येथे असंख्य मित्र परिवार व कार्यकर्त्यांसोबत प्रवेश घेणार असल्याचे अविनाश जाधव यांनी म्हटले आहे.
