सातारा : देशभरात इंधन दरवाडीमुळे सामान्य नागरिक त्रस्त झाला आहे. आज शंभरी गाठलेल्या पेट्रोलच्या दरवाढीमुळे सामान्य नागरिक हवालदिल झाला आहे. मात्र साताऱ्यातील सासवड मध्ये काही चोरट्यांनी भारत पेट्रोलियमची पाइप लाइन फोडल्यामुळे बंद विहिरीला पाण्यासारखा पेट्रोलचा उमाळा लागला आहे.
पेट्रोल चोरी करून चोरटे तसेच निघून गेले होते. त्यामुळे गळती लागलेल्या पाईपलाईनमधून बाहेर पडत असलेले हजारो लीटर पेट्रोल जमिनीत मुरले. त्यामुळे आता हे पेट्रोल विहिरींमधून बाहेर येत आहे. मात्र आखाती देशासारखी साताऱ्यात सुद्धा पेट्रोलच्या विहिरी सापडल्या अशीच अनेकांना वाटले होते.
प्रकरण असे की, मुंबई-पुण्याहून सातारा आणि सोलापूरकडे पेट्रोल वाहून नेण्यासाठी असलेल्या पाईपलाईनचा भाग सासवडमधून जातो. ही २२३ किलोमीटरची पाईपलाईन आहे. चोरट्यांनी सासवड गावाजवळ या पाईपलाईनला भगदाड पाडले. यामुळे हजारो लिटर पेट्रोलचा जमिनीत मुरले होते.
परंतु, पेट्रोल जमिनीत मुरल्याने चक्क दोन विहिरी या पेट्रोलने भरल्या आहेत. यामध्ये आजु बाजुच्या शेतांतील उभ्या पिकांचे देखील नुकसान झाले आहे. पाईपलाईनची गळती काढण्याचे काम यशस्वी झाले आहे. या घटनेचा तपास संबधित विभाग आणि लोणंद पोलीस करीत आहेत.