पश्चिम बंगाल : तृणमूल काँग्रेसचे खासदार डेरेक ओब्रायन यांनी पंतप्रधान नरेंद्र मोदींवर गंभीर आरोप केले आहे. मोदी यांनी आपल्या पदाचा दुरपयोगाचा आरोप केला आहे. पश्चिम बंगाल विधानसभा निवडणूक २०२१ च्या पार्श्वभूमीवर पंतप्रधान नरेंद्र मोदींकडून सरकारी यंत्रणेचा दुरुपयोग होत आहे, असे ओब्रायन यांनी म्हटलं आहे.
यासंदर्भात पश्चिम बंगालच्या मुख्यमंत्री ममता बॅनर्जी यांच्या पक्षाचे ज्येष्ठ नेते डेरेक ओब्रायन यांनी यासंबंधी निवडणूक आयोगाला एक पत्रंही लिहिलं आहे. करोना लसीकरणानंतर नागरिकांना दिल्या जाणाऱ्या प्रमाणपत्रावर पंतप्रधान नरेंद्र मोदींचा फोटो छापण्यात आल्यावर तृणमूल काँग्रेसने आक्षेप नोंदवला आहे.
करोना संक्रमण काळात करोनाविरुद्ध लढणाऱ्या डॉक्टरांचं आणि इतर करोना योद्ध्यांचे श्रेय पंतप्रधान नरेंद्र मोदी यांनी स्वत: घेत असल्याचे डेरेक ओब्रायन यांनी म्हटलं आहे.
१६ जानेवारीपासून देशभरात राबवण्यात येणाऱ्या करोना लसीकरण मोहिमेदरम्यान लस घेतल्यानंतर नागरिकांना केंद्रीय आरोग्य मंत्रालयाकडून एक प्रमाणपत्र जारी करण्यात येत आहे. या प्रमाणपत्रावर पंतप्रधान नरेंद्र मोदींचा फोटो छापण्यात आला आहे याला तृणमूलच्या खासदाराने विरोध दर्शवला आहे.
