मुंबई : छत्रपती शिवाजी पार्क येथे मराठी भाषा दिनी आयोजित करण्यात आलेल्या कार्यक्रमाला महाराष्ट्र नवनिर्माण सेना प्रमुख राज ठाकरे यांनी हजेरी लावली होती यावेळी मास्क न वापरण्याबद्द्ल पत्रकारांनी राज ठाकरे यांना विचारले असता मी मास्क घालतच नाही. तुम्हालाही सांगतो” असा सल्ला दिला होता. यावरून आता राज्याचे उपमुख्यमंत्री अजित पवार यांनी राज ठाकरे यांना टोला लगावला आहे.
काही नेते म्हणतात मी मास्क लावतच नाही, पण बाकीच्यांना करोना झाला तर काय करायचे’, असा टोला लगावला आहे. करोनाविषयक नियम पाळणे गरजेचे आहे. पण काही नेते म्हणतात की मी मास्क लावतच नाही. पण असे न करता मास्क लावून काळजी घ्या, असा सल्ला अजित पवार यांनी नाव न घेता राज ठाकरे यांना दिला आहे.
तसेच हा सल्ला देताना तुम्ही मास्क लावत नसल्याने इतरांना करोना झाला तर काय, असा प्रश्नही त्यांनी राज यांना विचारला. त्याचवेळी विरोधी पक्षनेते प्रवीण दरेकर यांनाही त्यांनी टोला लगावला. मनसे अध्यक्ष राज ठाकरे यांनी मास्क लावायला पाहिजे, असे सांगत, ते प्रवीण दरेकर यांचे जुने नेते आहेत, असेही हसतहसत अजित पवार म्हणाले .