सातारा: पुणे येथून खुनाच्या गुन्ह्यातून निर्दोष सुटका करण्यात आल्यानंतर तळोजा कारागृहाच्या दारातून जंगी मिरवणूक काढण्यात आलेला कुख्यात गुंड गजा मारणे चांगलाच चर्चेत आला होता. या प्रकरणानंतर पोलिसांनी कारवाई करत अनेकांना अटक केली होती. मात्र आता या सर्व प्रकरणातील मुख्य आरोपी गजा मारणेला पोलिसांनी सातारा येथून अटक करून त्याच्या मुसक्या आवळल्या आहेत.
जावळी तालुक्यातील मेढा येथील सहाय्यक पोलिस निरीक्षक अमोल माने यांनी मारणे याला अटक केली आहे.जेलमधून निर्दोष सुटलेला गजा मारणे पोलिसांना गुंगारा देत फरार झाला होता. तो महाबळेश्वर वाई परिसरात मागील काही दिवसांपासून फिरत होता. मारणे गाडीतून मेढा येथे आल्याची माहिती मिळताच पोलिसांनी सापाला रचून त्याला अटक केले होते.
खुनाच्या खटल्यातून निर्दोष मुक्तता झाल्यानंतर गजा मारणे याची तळोजा कारागृहापासून थेट आलिशान गाडीतून त्याची पुण्यापर्यंत मिरवणूक काढण्यात आली होती. या मिरवणुकीनंतर पोलिसांवर आणि सरकारवर जोरदार टीका करण्यात आली होती. या प्रकरणी आपल्या अटक होणार यापूर्वीच मारणे याने पाल काढला होता. मात्र अखेर पोलिसांनी त्याला बेड्या ठोकल्या आहेत.
