सातारा : राज्यात पुन्हा एकदा शनिवार आणि रविवार असा दोन दिवसाचा लॉकडाऊन जाहीर करण्यात आला आहे. तसेच येत्या दोन ते तीन दिवसात तीन आठवड्याचा लॉकडाऊन लागू करण्याचा निर्णय आज होणाऱ्या सर्वपक्षीय बैठकीत होण्याची सहायता वर्तवली जात आहे त्यामुळं सर्व सामान्य आणि हातावरच पोट असलेल्या कामगारांचे अतोनात हाल झालेले पाहावयास मिळत आहे, याच विरोधात आता खासदार छत्रपती उदयनराजे भोसले यांनी सातारा येथे आघाडी सरकारविरोधात हटके आंदोलन केले आहे.
खासदार उदयनराजे भोसले यांनी शनिवारी साताऱ्यातील पोवईनाक्यावर लॉकडाऊनविरोधात आंदोलन केले. हातात कटोरा घेऊन ते फुटपाथवर बसले होते. या प्रतिकात्मक आंदोलनानंतर उदयनराजे भोसले यांनी प्रसारमाध्यमांशी संवाद साधत या निर्णयाविरोधात सरकारला इशारा दिला आहे.
उद्यापासून लॉकडाऊन उठला पाहिजे. लोकांची आर्थिक अवस्था सरकारने लक्षात घेतली पाहिजे. लॉकडाऊन झाल्यास लोकांची उपासमार होईल. सरकारमधील कोणते तज्ज्ञ लॉकडाऊनचा निर्णय घेतात, असा सवालही त्यांनी विचारला. या लोकांच्या पाहिले तर ते कुठल्याही दृष्टीकोनातून तज्ज्ञ वाटत नाहीत असे उदयनराजे भोसले यांनी सांगितले.