सांगलीत रेमडेसिवीरचा काळाबाजार, दोन जण अटकेत.
🔸अशोक काळकुटे | संपादक
▪️कृष्णा आंधळे | प्रतिनिधी.
रेमडेसिव्हीर इंजेक्शनचा काळा बाजार करणाऱ्या दोघांना अटक करण्यात आली आहे. एक जण मिरज सिव्हीलमधील ब्रदर तर दुसरा विश्रामबाग येथील खासगी रुग्णालयातील लॅब असिस्टंट यांना अटक केली आहे. सांगलीच्या स्थानिक गुन्हे अन्वेषण विभागाच्या पथकाने शनिवारी ( दि .२५ ) रात्री उशिरा ही कारवाई केली. एक इंजेक्शन विकताना संशयितांना रंगेहाथ पकडण्यात आले.
मिरज सिव्हील अर्थात शासकीय कोविड रुग्णालयातील ब्रदर सुमित हुपरीकर आणि खासगी लॅब टेक्नीशीयन दाविद वाघमारे अशी अटक केलेल्यांची नावे आहेत. दोन्ही संशयितांनी यापूर्वी दोन इंजक्शन चोरून विकली आहेत. एक इंजेक्शन ३० हजार रुपये असे दोन इंजेक्शन ६० हजार रुपयाला विकल्याची कबुली त्यांनी दिली आहे.
स्थानिक गुन्हे अन्वेषण विभागाचे पोलिस निरीक्षक सर्जेराव गायकवाड आणि सहाय्यक पोलिस निरीक्षक रविराज फडणीस यांच्या पथकाने कारवाई करत रेमडेसिवीर इंजेक्शनचा काळा बाजार उघडकीस आणला.
