कॅनरा बँकेला आग; जीवितहानी नाही.
🔸अशोक काळकुटे | संपादक
▪️कृष्णा आंधळे | प्रतिनिधी.
भंडारा शहरातील मुख्य मार्गावर असलेल्या कॅनरा बँकेच्या शाखेला पहाटेच्या सुमारास आग लागली. चा प्रचंड लोट बँकेच्या इमारतीतून बाहेर पडत असल्याचे नागरिकांनी पाहिले. या नंतर या घटनेची माहिती नागरिकांनी संबंधित अधिकाऱ्यांना दिली. त्यानंतर बँक अधिकारी सकाळी 6 वाजण्याच्या सुमारास घटनास्थळी पोहोचले. लगेच अग्निशमन दलास पाचारण करण्यात आले.
यात बँकेच्या मागच्या भागात आग लागली असून, स्ट्राँग रूमपर्यंत आग लागल्याची चर्चा आहे. घटनेची गंभीरता पाहता नगरपरिषदेचे अधिकारी आणि पोलिस पथक घटनास्थळी पोहोचले. या आगीमुळे नेमके किती नुकसान झाले, याबाबत माहिती मिळू शकलेली नाही. मात्र या आगीच्या घटनेत कोणतीही जीवितहानी झाल्याचे वृत्त नाही.