घाटशीळ पारगांव येथील आरोपीस कठोर शासन करावे एकल महीला संघटनेचे तहसीलदारांना निवेदन .
केज ( प्रतिनिधी )
नुकत्याच आपल्या मुलाकडुनच झालेल्या अमानुष मारहाण झालेल्या आईचा मृत्यू झालेला असुन वडीलही कोमात गेलेले आहेत .या घटनेने बीड जिल्हा हादरुन गेलेला असुन ही घटना माणुसकीला काळे फासणारी आहे .अशा प्रकारच्या घटना पुन्हा घडु नयेत यासाठी या प्रकरणातील विकृत प्रवृतीच्या आरोपी मुलावर कठोरातील कठोर शिक्षा व्हायलाच पाहीजे या मागणीसाठी एकल महीला संघटनेच्या वतीने तहसील कार्यालयात नायब तहसीलदार श्री सचिन देशपांडे यांना निवेदन देण्यात आले आहे .एकल महीला संघटनेच्या कार्यकर्त्यां सामाजिक कार्यकर्त्यां गौरीताई शिंदे यांनी प्रतिक्रिया देताना सांगितले की, अशा घटना या माणुसकीला काळीमा फासणार्या असुन भविष्यात अशा घटना घडु नयेत म्हणुन लवकरात लवकर आरोपीला कठोर शिक्षा झाली पाहिजे .या निवेदनावर गौरीताई शिंदे,मिरा नाईकवाडे,लता सावंत,तारा घोडके,राणी क्षिरसागर,उर्मिला गालफाडे, वच्छला शिनगारे यांच्या सह्या आहेत .