महावितरणच्या कर्मचाऱ्यांचा डीजेच्या तालावर ठेका; कोरोना नियमांचा विसर

January 11, 2022

Dhananjay Kulkarni

धनंजय कुलकर्णी-उपसंपादक,दै .महाराष्ट्र सूर्योदय

महावितरणच्या कर्मचाऱ्यांचा डीजेच्या तालावर ठेका; कोरोना नियमांचा विसर

बीड(प्रतिनिधी):- राज्यात कोरोना रुग्णांचा आलेख वाढत आहे. करोनाच्या तिसऱ्या लाटेला सुरुवात झाली असल्याची चर्चा सध्या आहे. कोरोना रुग्णांची संख्या नियंत्रणात आणण्यासाठी राज्य सरकारने पुन्हा काही निर्बंध लागू केले आहेत. मात्र, तरीही काही ठिकाणी अजूनही करोनाच्यया नियमांचा उल्लंघन होत असल्याचे चित्र आहे. बीड जिल्ह्यातही असाच एक प्रकार उघडकीस आला आहे. महावितरणच्या अधिकाऱ्यांनी डीजेच्या तालावर थिरकत असतानाचा व्हिडिओ व्हायरल झाला आहे. यावेळी कर्मचाऱ्यांनी मास्क ना सोशल डिस्टनसिंगच्या नियमांचा फज्जा उडवला.

बीड जिल्ह्यात कमी झालेले कोरोनाचे रुग्ण पुन्हा वाढू लागले आहेत. जिल्हा प्रशासनाने काही निर्बंध लादले आहेत. मात्र असं असताना बीडमधील महावितरणच्या कर्मचाऱ्यांनी, चक्क डीजेच्या तालावर ठेका धरला. यावेळी कर्मचाऱ्यांनी बेभान होऊन कोरोनाचे नियम पायदळी तुडवले गेले. यावेळी एकाच्याही तोंडाला मास्क नव्हते, तर सोशल डिस्टनसिंगचा अक्षरशः फज्जा उडाला होता.

बीडच्या कपिलधार परिसरात ट्रेकिंगच्या नावाखाली अधिकाऱ्यांकडून हुल्लडबाजी करत भर रस्त्यात डीजेच्या तालावर नृत्य करतानाचा व्हिडिओ सोशल मीडियावर चांगलाच व्हायरल होतोय. या अधिकारी आणि कर्मचाऱ्यांना नियम नाहीत का? नियम फक्त सामान्यांना आहेत का? असा प्रश्न उपस्थित केला जात आहे. त्यामुळे आता जिल्हाधिकारी व महावितरणचे वरिष्ठ अधिकारी या नियम मोडणाऱ्या कर्मचाऱ्यावर कारवाई करणार का? असा प्रश्नही उपस्थित केला जात आहे.

Related posts: