सोलापूर संपादक महेश पवार
प्रतिनिधी – संतोष विभूते
उत्तर सोलापूर पंचायत समितीच्या सभापती रजनी भडकुंबे व गटविकास अधिकारी प्रशांत देशमुख यांनी उत्तर सोलापूर तालुक्यातील मार्डी येथील कु पुजा गरड(सोनार), कु सानिका गरड(सोनार) या दोन्ही सख्या बहिणीचा व सेवालालनगर येथील आकांक्षा वडजे या मुलींचा बुधवार(दि ५) रोजी शेततळ्यात पडून तीन मैत्रीणचा दुर्दैवी मृत्यू झाला. त्या दोन्ही कुंटुंबांची भेट घेऊन सांत्वन केले व “विद्यार्थी सानुग्रह अनुदान” मिळवून देण्यासाठी प्रस्ताव दाखल करण्याच्या सुचना करून सर्वतोपरी शासकीय मदत मिळवून देण्याची ग्वाही दिली.
यावेळी गटशिक्षणाधिकारी बापूराव जमादार,सरपंच अविनाश मार्तंडे, महात्मा फुले हायस्कूलचे मुख्याध्यापक राजशेखर मैत्री सर,सुजित इनामदार सर, शिवाजी सोनार,विष्णू जगताप, हजुलाल जहागिरदार, सिद्राम सोनार, आण्णा सोनार,
सेवालालनगर माजी सरपंच संजय वडजे,युवराज वडजे आदी उपस्थित होते.