धनंजय कुलकर्णी-उपसंपादक,दै. महाराष्ट्र सूर्योदय
एसटी चालकाने चक्क मद्यप्राशन करून बस चालवल्याचा धक्कादायक प्रकार आला समोर
हिंगोली(प्रतिनिधी):- राज्यात सध्या एसटी महामंडळाचे आंदोलन सुरू आहे. एसटी कर्मचाऱ्यांचा मुद्दा पेटलेला असताना हिंगोलीच्या कळमनुरी आगारातील एका एसटी चालकाने चक्क मद्यप्राशन करून बस चालवल्याचा धक्कादायक प्रकार समोर आला आहे. आता या बस चालकाविरुद्ध हिंगोली आगारांमध्ये तक्रार करण्यात आली आहे.
एसटी चालकाच्या जेवणाच्या डब्यातील दारूच्या बॉटलदेखील ताब्यात घेण्यात आल्या आहेत. त्यामुळे एकच खळबळ उडाली आहे. आंदोलनादरम्यान एसटी चालक कामावर रुजू होत नसल्यामुळे खासगी वाहन चालकांच्या ताब्यात एसटीचे स्टेरिंग देऊ नये अशी मागणी एसटीच्या कर्मचाऱ्यांकडून होत आहे. मात्र अशी मागणी करणारे जीएसटी कर्मचारी मद्य प्राशन करून त्यांच्या जीवाशी खेळ करत असल्याचा धक्कादायक प्रकार समोर आला आहे.
काही दिवसांपूर्वी पुण्यामध्ये खासगी प्रवाशांच्या बस मधील ड्रायव्हरला फिट आल्यामुळे प्रसंगावधान दाखवत एका महिलेने स्टेरिंगचा ताबा मिळवत चालकाला रुग्णालयात दाखल करुन प्रवाशांनासुद्धा त्यांच्या घरी सुखरूप पोहोचवलं. दुसरीकडे मात्र एसटी महामंडळाचे कर्मचारी कर्तव्यावर असताना मद्यप्राशन करत असल्यामुळे प्रवाशांच्या जीवाशी खेळ करीत आहेत.
Related posts:
महाराष्ट्रात १ मे पर्यंत कडक लॉकडाऊन ; ५ हजार ४७६ कोटींचे पॅकेज जाहीर.
आरक्षण अधिकाराच्या पार्श्वभूमीवर मराठा क्रांती मोर्चा, संघटनांची ९ तारखेला पुण्यात व्यापक बैठक.
राज्यात ३१ डिसेंबरच्या मध्यरात्रीपासून लग्न समारंभ, सार्वजनिक कार्यक्रम यांवर कठोर निर्बंध
आरटीई प्रवेशासाठी निवासी पुरावा म्हणून ‘गॅसबुक’ रद्दचा निर्णय
