वेताळे विविध कार्यकारी सोसायटीच्या तज्ञ संचालकपदी दिपक बोंबले, काळुराम सांडभोर यांची निवड

दैनिक सूर्योदय पुणे
प्रतिनिधी : नीता भोसले
१२ जून २०२२
राजगुरुनगर : वेताळे (ता.खेड) विविध कार्यकारी सेवा सहकारी संस्थेच्या तज्ञ संचालकपदी काळुराम सांडभोर व दिपक बोंबले यांची, सर्व संचालकांच्या वतीने बिनविरोध निवड करण्यात आली. अशी माहिती संस्थेचे चेअरमन दत्तात्रय भिका बोंबले यांनी दिली.
वेताळे विविध कार्यकारी संस्थेची पंचवर्षिक निवडणुक खेळीमेळीच्या वातावरणात नुकतीच बिनविरोध पार पडली. त्यानंतर वेताळे येथील ग्रामपंचायत सभागृहामध्ये चेअरमन दत्तात्रय भिका बोंबले यांच्या अध्यक्षेतखाली घेण्यात आलेल्या बैठकीत, संस्थेच्या मंजुर आदर्श पोटनियम ९ ब अन्वये वरील दोन तज्ञ संचालकांची निवड करण्यात आल्याचे संस्थेचे सचिव उल्हास देवदरे यांनी सांगितले. यावेळी व्हाईस चेअरमन विजय दत्तात्रय बोंबले, संचालक दत्तात्रय भिकाजी बोंबले, चंद्रहार बोंबले, नथु बोंबले, शंकर बोंबले, विजय बोंबले,संचालिका शांताबाई बोंबले, शंकुतला बोंबले शिपाई शिवाजी बोंबले,खंडु बोंबले उपस्थित होते.