बँक आँफ बडोदाचा 115 वा वर्धापन दिन वडाळा व मार्डी शाखेत उत्साहात साजरा

सोलापूर संपादक – महेश पवार

प्रतिनिधी – संतोष विभूते

बडोदा संस्थानचे राजे सयाजीराव गायकवाड महाराजांनी 115 वर्षांपूर्वी स्थापन केलेल्या बँक आँफ बडोदाचा वर्धापन दिन बुधवारी वडाळा व मार्डी शाखेच्या वतीने उत्साहात साजरा करण्यात आला.
वडाळा शाखा व्यवस्थापक विवेक बाविस्कर, बँक अधिकारी प्रतीक गजभिये,रोहित जगधने,विकास रोडगे, कँशियर अजय वाघमारे, दिनेश साठे,अक्षय वेखंदे, महाहेव बिराजदार तसेच मार्डी येथील शाखा व्यवस्थापक संदीपकुमार कांबळे, बँक अधिकारी रामदास भानुवते, रामेश्वर ढवळे, सचिन कचरे यांच्यासह ग्राहक मोठ्या संख्येने उपस्थित होते.
वडाळा शाखाधिकारी बाविसकर म्हणाले की, चालू अर्थिक वर्षातील पहिल्या तिमाहीत एक कोटी नऊ लाख रुपये पीक कर्ज, वाटप झालेले कर्ज, पशुपालनसाठी 12 लाख 27 हजार रुपये, आठ महिला बचत गटांना 26 लाख 36 हजार रुपये,दोन लाभार्थ्यांना साडेआठ लाख रुपये मुद्रालोनचे व्यवसायासाठी वाटप करण्यात आले. पहिल्या तिमहीत गरजू शेतक-यांना मोठ्याप्रमाणात कर्जं वाटप झाल्याने शेतकरी वर्ग सुखावला असल्याचेही बाविसकर म्हणाले.