सोलापूर संपादक – महेश पवार
प्रतिनिधी – मंद्रुपसह परिसरात आपल्या सामाजिक कार्यातून एक वेगळी ओळख निर्माण केलेले आर.के. फाऊंडेशनचे संस्थापक अध्यक्ष मोतीलाल राठोड यांचा मंद्रुप नेहरू चौक येथील जनसेवा नवरात्र महोत्सव कला व क्रीडा सांस्कृतिक मंडळातर्फे सत्कार करण्यात आला. मोतीलाल राठोड यांनी उन्हाळ्यात नागरिकांची पाण्याची वणवण पाहुन आर.के. फाऊंडेशनच्या प्रयत्नातून इंदिरानगर, वार्ड क्रं. ३, जिल्हा परिषद प्राथमिक शाळा, बिलाल नगर, व विठाई नगर येथील डवरी समाजातील नागरिकांना पाण्याची सोय करून दिली.
आर. के. फाऊंडेशनचे संस्थापक अध्यक्ष मोतीलाल राठोड यांच्या या सामाजिक कार्यामुळे त्यांचा मंद्रुपसह परिसरात विविध ठिकाणी सन्मान होत आहे. मंद्रुप येथील जनसेवा नवरात्र महोत्सव कला व क्रीडा सांस्कृतिक मंडळाची देवीची पुजा आर. के. फाऊंडेशनचे संस्थापक अध्यक्ष मोतीलाल राठोड यांच्या हस्ते संपन्न झाली. यावेळी हर्षवर्धन देशमुख यांच्या हस्ते आर. के. फाऊंडेशनचे संस्थापक अध्यक्ष मोतीलाल राठोड यांचा सत्कार करण्यात आला. यावेळी सुरेश पाटील,नामदेव पवार कारभारी विठ्ठल पुढारी, दामू राठोड यांच्यासह जनसेवा नवरात्र महोत्सव कला व क्रीडा सांस्कृतिक मंडळाचे पदाधिकारी उपस्थित होते…