लहान मुलांमधील होणाऱ्यां लैंगिक अत्याचाराविरुद्ध भाजप  विधानपरिषद आमदार उमाताई खापरे यांनी सभागृहात मांडला प्रश्न

नागपूर प्रतिनिधी –
दिवसेंदिवस लहान मुलांमधील लैंगिक शोषण व अत्याचाराचा घटनामधे मोठ्याप्रमाणावर वाढ होत आहे. राज्यातील अनेक भागात अशा घटना रोज घडत आहेत परंतु मुलांमधील लैंगिक शिक्षण अभावी अशा घटना बाहेर पडत नाहीत. अशीच एक घटना मुंबईत घडली असून माटुंगा येथील मुबंई महानगर पालिका शाळेतील आठवीत शिकणाऱ्या एका तेरा वर्षीय विद्यार्थिनीवर आपल्याच वर्गातील दोन विद्यार्थ्यांनी लैंगिक अत्याचाराची घटना माहे डिसेंबर 2022 च्या पहिल्या आठवड्यात निदर्शनास आली. डान्सच्या तासासाठी बाहेर जाताच या दरम्यान ही धक्कादायक घटना घडलेली आहे. यासंदर्भात मुलीच्या तक्रारीवरून पोलिसांनी दोन विद्यार्थ्यांविरोधात गुन्हा नोंदविण्यात आला आहे.
<span;>   अशीच एक घटना कल्याण मधे घडली असून नऊ वर्षाच्या मुलीची बलात्कारानंतर हत्या करण्यात आली आहे. स्टेशन परिसरातल्या एका सोसायटी आवारातील नऊ वर्षाच्या मुलीचा मृतदेह आढळल्याने खळबळ उडाली. तिची गळा चिरून हत्या केल्याची प्राथमिक माहिती आहे. पोलिसांनी एका अल्पवयीन मुलाला ताब्यात घेतले आहे. मुलीच्या कुटुंबीयानी केलेल्या मारहाणीचा बदला म्हणून हे कृत्य केल्याचा अंदाज आहे.
लहान वयात हाती आलेले मोबाईल व अश्लील व्हिडिओ सहज उपलब्ध होत असल्याने शरीरसंबंधीच्या विकृत दृष्टिकोन लहान वयातच वाढत असल्याने मानसिक तज्ज्ञांचा विचार आहे. अशा प्रकारच्या राज्यातील अनेक भागात अशा घटना घडत असून त्यावर वेळीच उपाययोजना करण्याची गरज आहे. महिलांवर व लहान मुलांवर होणाऱ्या अशा घटनांबद्दल नेहमीच आक्रमक नेत्या म्हणून उमाताई खापरे प्रचलित आहेत.