नागपूर प्रतिनिधी
शासकीय सेवेत असताना किंवा निमशासकीय सेवेत असताना अथवा सेवा निवृत्त वेतनाचा लाभ घेत असलेल्या आई वडिलांच्या निधनानंतर त्यांच्या पश्चात अविवाहित किंवा घटस्फोटित किंवा दिव्यांग मानसिक दृष्टा सक्षम नसणाऱ्या मुलींना त्यांच्या आईवडिलांची पेन्शन मिळत नसणाऱ्या कुटुंबाची आर्थिक हाल होत असल्याने अशा कुटुंबाना केंद्र सरकारच्या धोरणाप्रमाणे राज्य सरकारकडून पेन्शन योजना सुरू करावी. अशी माघणी या धर्तीवर भाजप विधानपरिषद आमदार उमाताई खापरे यांनी सभागृहात प्रश्न उपस्थित केला. यावर उपमुख्यमंञी देवेंद्र फडणवीस यांच्याकडून राज्यात सुद्धा अशा प्रकारच्या योजना सुरू करण्यात येतील असे आश्वासन देण्यात आले.
महिलांबद्दल अत्यंत संवेदनशील असणारे नेतृत्व म्हणून परिचित असणाऱ्या भाजप विधानपरिषद आमदार उमाताई खापरे यांनी सातत्यपूर्ण प्रयत्न केले. भाजप महिला मोर्चा माध्यमातून राज्यभर महिलांचे संघटन उभा करून एक अत्यंत यशस्वी महिला नेत्या म्हणून उमाताई खापरे ओळखल्या जातात. संपूर्ण राज्यभर चांदा ते बांदा पर्यंत खडतर प्रवास करून महिलांचे एक यशस्वी संघटन तयार करण्यात उमाताई यांनी प्रचंड मेहनत घेतली आहे. या कामाची पोचपावती म्हणून त्यांना थेट आमदारकीचे बक्षीस मिळाले. त्याच माध्यमातून महिलांना जास्तीत जास्त न्याय देण्यासाठी उमाताई खापरे प्रयत्नशील आहेत.
