धनंजय कुलकर्णी-उपसंपादक,दै. महाराष्ट्र सूर्योदय
पंकजा मुंडे आजच्या पत्रकार परिषदेमध्ये नेमकं काय बोलणार? याकडे राज्याचं लक्ष
बीड(प्रतिनिधी):-, गेल्या अनेक दिवसांपासून पंकजा मुंडे या भाजपवर नाराज असल्याचं बोललं जात आहे. पंकजा मुंडे यांनी देखील अनेकदा आपली नाराजी उघडपणे बोलून दाखवली आहे. त्यातच काही दिवसांपूर्वी राष्ट्रवादीचे आमदार आणि ज्येष्ठ नेते एकनाथ खडसे यांनी पंकजा मुंडे यांची भेट घेतली होती. दोघा नेत्यांमध्ये जवळपास अर्धा तास बंददाराआड चर्चा झाली. या भेटीमुळे चर्चेला उधाण आलं होतं.
त्यानंतर आता महाराष्ट्राच्या राजकारणात वेगवान घडामोडी घडत आहेत. अजित पवार यांनी राष्ट्रवादीतून बंडखोरी करत आपल्या आठ नेत्यांसह मंत्रिपदाची शपथ घेतली. या मंत्र्यांमध्ये धनंजय मुंडे यांचा देखील समावेश आहे. धनंजय मुंडे यांनी मंत्रिपदाची शपथ घेतल्यानं पंकजा मुंडे नेमकी काय भूमिका घेणार याकडे राज्याचं लक्ष लागलं आहे. अखेर आज आपण दुपारी साडेबारा वाजता पत्रकार परिष घेणार आहोत असं ट्विट पंकजा मुंडे यांनी केलं आहे. राज्यात सुरू असलेल्य घडामोडीच्या पार्श्वभूमीवर पंकजा मुंडे यांच्या पत्रकार परिषदेला विशेष महत्त्व प्राप्त झालं आहे . पकंजा मुंडे काय भूमिका घेणार? एखादी मोठी घोषणा करणार का हे पहाणं महत्त्वाचं ठरणार आहे.
Related posts:
१६ मे ला मराठ्यांचा बीडमध्ये पुन्हा एल्गार ; राज्यभरात मराठे पुन्हा पेटणार.
चिक्की घोटाळा प्रकरण पुन्हा तापले ; माझी तर गुन्हा दाखल करण्याची मागणी- धनंजय मुंडे.
विनायक मेटेंच्या अपघाताची सीआयडी चौकशीचे मुख्यमंत्री एकनाथ शिंदेंचे आदेश
सामूहिक बलात्काराने बीड हादरलं, माजलगाव शहर ठाण्यात सात जणांविरोधात गुन्हा दाखल
