अभिनेत्री राखी सावंत नेहमीच तिच्या विचित्र वागण्यामुळे ती नेहमीच चर्चेत असते. राखी सावंतने दोन दिवसापूर्वी युजर्सला महागाईच्या काळात टोमॅटो पिकवण्यासाठी जुगाड सांगितला होता. अशातच आता राखी सावंतने काँग्रेस खासदार राहुल गांधी यांना फुकटचा सल्ला दिला आहे. तिचा हा सल्ला ऐकून काँग्रेसचे कार्यकर्ते सैरभैर झाल्याचं दिसून येतं आहे.
राखीला पत्रकारांनी घेरलं. त्यावेळीचा एक व्हिडिओ सध्या सोशल मीडियावर धुमाकूळ घातल असल्याचं दिसतंय. राहुल गांधी देशाचे पंतप्रधान होऊ शकतात का?, असा सवाल पापाराझींनी केला. यावर राखी म्हणाली की हो नक्कीच, मला वाटतं की जर राहुल गांधी बिग बॉसमध्ये आले तर ते नक्कीच देशाचे पंतप्रधान होतील, असं राखी म्हणते. राखीच्या उत्तरामुळे अनेकांच्या भूवया उंचावल्या.
राहुल गांधी यांनी बिग बॉसमध्ये का यावं? असा प्रश्न राखीला विचारला गेला. त्यावर राखीने स्पष्टीकरण देण्याचा प्रयत्न केला. जो कोणी बिग बॉसमध्ये येतो, त्याचा आयुष्य बनतं, राहुल गांधींचंही आयुष्य बनेल. राहुल गांधींना बिग बॉसमध्ये कास्ट केलं पाहिजे, कारण त्यांनी बिग बॉसमध्ये प्रवेश केला तर ते पुढची निवडणूक जिंकतील, असा विश्वास देखील राखीने व्यक्त केला आहे.