– पंकज हिरुळकर अमरावती जिल्हा प्रतिनिधि;
अंजनगांव सुर्जी : अनेक वर्षांपासून सामाजिक क्षेत्रामध्ये कार्यरत असलेल्या सारिका मानकर यांची महिलांचे लढाऊ आणि वैचारिक संघटन असलेल्या जिजाऊ ब्रिगेडच्या अंजनगाव सुर्जी तालुकाध्यक्षपदी नियुक्ती झालेली आहे.
सारिका मानकर या कुशल संघटक आहेत. मराठा सेवा संघ प्रणित जिजाऊ ब्रिगेडमध्ये त्या गेल्या अनेक वर्षांपासून कार्यरत आहेत. तालुक्यातील विविध सामाजिक उपक्रम, आंदोलने, मोर्चे यामध्ये त्या नेहमी सहभागी असतात. आज जिजाऊ ब्रिगेडच्या जिल्हाध्यक्षा हर्षा ढोक यांच्या हस्ते नियुक्तीपत्र देऊन त्यांची तालुकाध्यक्षपदी नियुक्ती करण्यात आलेली आहे. यापुढेही आपण जिजाऊ ब्रिगेडचे कार्य वाढविण्यासाठी व शिव-फुले-शाहू-आंबेडकरांच्या विचारांचा प्रचार-प्रसार करण्यासाठी आणखी ताकदीने कार्य करू असे मत त्यांनी व्यक्त केले आहे. या कार्यक्रमाला जिजाऊ ब्रिगेडच्या आंतरराष्ट्रीय अध्यक्षा मयुरा देशमुख, प्रदेशाध्यक्षा सीमा बोके, प्रदेश कार्यकारिणी सदस्या लिनता पवार, मनाली तायडे, प्रा.डॉ. वैशाली गुडधे, मीना कोल्हे, स्मिता लहाने, सुषमा साबळे, शालिनी धोटे, जिया साबळे आदींसह अनेक महिला पदाधिकारी उपस्थित होत्या. सारीका मानकर यांच्या या नियुक्तिमुळे त्यांच्यावर सर्व स्तरावरुन अभिनंदन व शुभेच्छांचा वर्षाव होत आहे.
