माजी मंत्री सुधीर मुनगंटीवार यांची बहीण आणि मेहुणे अपघातात ठार.

🔸अशोक काळकुटे | संपादक

गेवराई- कल्याण-विशाखा पट्टनम राष्ट्रीय महामार्गावरील गेवराई तालुक्यामध्ये असलेल्या मातोरी-तिंतरवणी जवळ झालेल्या कारच्या भीषण अपघातात भारतीय जनता पक्षाचे ज्येष्ठ नेते तथा माजी अर्थमंत्री सुधीर मुनगंटीवार यांची चुलत बहीण आणि मेहुणे जागीच ठार झाले आहेत.
सविस्तर असे कि,
बीड जिल्ह्यातील तिंतरवणी-मातोरी च्या दरम्यान बुधवार दि.२४ फेब्रुवारी २०२१ रोजी सायंकाळच्या सुमारास सुधीर मुनगंटीवार यांच्या चुलत बहीण ममता तगडपल्लेवार आणि मेहुणे विलास तगडपल्लेवार हे दोघे पुसद येथून चारचाकी वाहनाने पुण्याला स्वतःच्या मुलाला भेटण्यासाठी निघाले होते. परंतु प्रवासादरम्यान मातोरी-तिंतरवणी दरम्यान चार चाकी गाडी क्रमांक एम.एच. २९ ४२३० भरधाव वेगात असताना अचानक गाडी पुलावरून खाली कोसळली यामध्ये दुर्दैवाने दोघा पती-पत्नीचा जागीच मृत्यू झाला आहे.
घटनास्थळी चकलांबा पोलिस दाखल झाले असून घटनास्थळाचा पंचनामा करण्यात आला आहे.
दरम्यान या घटनेने सर्वत्र हळहळ व्यक्त केली जात आहे.