गजा मारणे टोळीनंतर नीलेश घायवळ टोळी पोलिसांच्या रडारवर ; चॉपरचा धाक…
🔸अशोक काळकुटे | संपादक
नवी मुंबईच्या तळोजा जेलमधून सुटल्यानंतर गजा मारणे याने मुंबई-पुणे एक्स्सप्रेसवेवर मोठं शक्तीप्रदर्शन केलं. यानंतर पुणे पोलिसांनी त्याच्यावर गुन्हाही दाखल केला. आता गजा मारणे टोळीनंतर नीलेश घायवळ टोळी पोलिसांच्या रडारवर आली आहे.
चॉपरचा धाक दाखवून रॅलीसाठी जबरदस्तीने जीप घेऊन जाणाऱ्या घायवळ टोळीतील ०८ जणांवर गुन्हे शाखेच्या पथकाने खंडणीविरोधी दरोड्याचा गुन्हा दाखल केला आहे तर दोघांना अटक देखील केली आहे.
संतोष आनंद धुमाळ (वय ३८, रा. भूगाव, ता. मुळशी) आणि मुसाब ऊर्फ मुसा इलाही शेख (वय २९, रा. शास्त्रीनगर, कोथरूड) अशी अटक केलेल्यांची नावे आहेत. एका व्यावसायिकाने याबाबतची माहिती दिली आहे.
तक्रार करणारी व्यक्ती गॅरेजमध्ये काम करत होती. त्यावेळी निलेश घायवळ टोळीतील संतोष धुमाळच्या सांगण्यावरुन कुणाल कंधारे, मुसाबा शेख, अक्षय गोगावले, व इतर चार अशा आठ जणांनी चॉपरचा धाक धाकवून त्यांची जीप चोरुन नेली.
अप्पर पोलीस आयुक्त अशोक मोराळे, उपायुक्त श्रीनिवास घाडगे, सहाय्यक आयुक्त लक्ष्मण बोराटे, पोलीस निरीक्षक बालाजी पांढरे, पोलीस उपनिरीक्षक विजय झंझाड यांच्या पथकाने ही कारवाई केली आहे.
Related posts:
नाशिक ऑक्सिजन गळती दुर्घटनेची चौकशी करुन दोषींना शिक्षा केली जाईल- उपमुख्यमंत्री अजित पवार
पुणे- नाशिक रेल्वे भूसंपादन प्रक्रिया गतीने पुर्ण करणार : उपविभागीय अधिकारी विक्रांत चव्हाण यांची माहिती
बारावीचे ऑनलाइन हॉलतिकीट उद्या पासून होणार उपलब्ध
सेक्स रॅकेट चालवण्याच्या आरोपावरुन ३ जणांवर गुन्हा दाखल
