लस घेतल्यानंतरही धनंजय मुंडे कोरोना पॉझिटिव्ह ; दुसऱ्यांदा मुंडेंना कोरोना ची लागण.
🔸अशोक काळकुटे | संपादक
राज्याचे सामाजिक न्याय व विशेष सहाय्य मंत्री तथा बीड जिल्ह्याचे पालकमंत्री धनंजय मुंडे या़ंना दुसऱ्यांदा कोरोनाची लागण झाली आहे. आज त्यांचा रिपोर्ट पुन्हा पॉझिटिव्ह आला आहे. यापूर्वी धनंजय मुंडे यांना कोरोना ची लागण झाली होती. त्यानंतर काही दिवस त्यांनी ब्रीच कँडी हॉस्पिटलमध्ये उपचार घेतले होते. आणि कोरोनावर मात करून परतले होते.
विशेष म्हणजे गेल्या काही दिवसांपूर्वीच मंत्री धनंजय मुंडे यांनी कोरोना ची लस घेतली होती. यानंतर आज त्यांनी कोरोना चाचणी केल्यानंतर पॉझिटिव्ह आलेली आहे.
यासंदर्भात एक ट्विट करून स्वतः धनंजय मुंडे यांनी तशी माहिती दिली आहे. या ट्विटमध्ये..
“माझी आज दुसऱ्यांदा कोरोना चाचणी positive आली आहे.गेल्या काही दिवसात माझ्या संपर्कात आलेल्या सर्वांनी आपली तपासणी करून घ्यावी ही विनंती.मी डॉक्टरांच्या सल्ल्यानुसार काळजी घेत आहे. काळजी करण्यासारखं काही नाही.सर्वांनी मास्क वापरावा,सोशल डिस्टन्सचे पालन करावे व स्वतःची काळजी घ्यावी.” असे त्यांनी या ट्विटमध्ये म्हटले आहे.
