कोरोना महामारीमुळे कुंभार व्यवसाय धोक्यात.
🔸अशोक काळकुटे | संपादक
▪️दिपक मापारी | रिसोड.
उन्हाळ्याला सुरुवात झाली असून मागील काही दिवसात तापमानात वाढ झाली आहे.. या काळात थंड पाण्याने तहान भागविण्यासाठी गरीबाचा फ्रिज म्हणून ओळख असलेल्या मठाला दरवर्षी चांगलीच मागणी असते, मात्र कोरोनामुळे गेल्या वर्षापासून माठ विक्रेत्या कुंभाराच्या आव्याकडे दुकानाकडे नागरिकांचा ओध तुरळक असल्याचे चित्र पहावयास मिळत आहे.. लॅकडाऊन संचारबंदीचाही फटका बसत आहे. ग्रामीण भागात कुंभार पिढ्यान पिढ्या पारंपारिक पद्धतीने फिरत्या चाकावर माठ तयार केले जातात.. हे माठ बाजारात विक्रीसाठी आणले जातात. मात्र मागील वर्षापासून माठाच्या मागणीत घट होत असल्याचे दिसून येत आहे. दिवसाला केवळ पाच ते दहा विक्री होत असल्याचे व्यवसायिक सांगत आहे. सध्या विविध इलेक्ट्रॉनिक कंपन्या सवलतीच्या दरात फ्रिज तसेच संबंधित इलेक्ट्रॉनिक उपलब्ध करून देत असल्याने व बाजारात कोरोनाची भीतीने नागरिकांचा कल या आधुनिक वस्तूकडे अधिक वाढ आहे. माठाच्या मागणीत घट झाली आहे. परिणामी तालुक्यातील कुंभार बांधवाचा व्यवसाय आर्थिक तोट्यात आला आहे..
