भुसारे शिक्षक दांपत्याने कन्या प्रज्ञाचा वाढदिवसातून दिला वृक्ष संवर्धनाचा संदेश…
कोकण संपादक / भरत सरपरे
म्हसळा प्रतिनिधी / सिध्दार्थ मोरे
सौ. प्रतिभा किरण भुसारे आणि श्री. किरण वामन भुसारे या शिक्षक दांपत्यांनी त्यांची लाडकी कन्या प्रज्ञा हिचा दुसरा वाढदिवस वृक्षारोपणाच्या माध्यमातून साजरा करून समाजापुढे नवा आदर्श, नवा संदेश दिला. भुसारे दांपत्यानी लाडकी कन्या प्रज्ञा हिच्या वाढदिवसाचे औचित्य साधून वृक्ष संवर्धनाच्या तसेच पर्यावरण संवर्धनाच्या उदात्त हेतूने म्हसळा तालुक्यातील सुरई अंगणवाडी व जिल्हा परिषद प्राथमिक शाळा सुरई येथे दोन फळ झाडे व दोन फुल झाडे भेट देऊन वाढदिवस साजरा केला.
या प्रसंगी म्हसळा तालुक्याच्या अंगणवाडी मुख्यसेविका सौ.वैष्णवी कळबासकर मॅडम, अंगणवाडी सेविका सौ मीना येलवेताई तसेच जिल्हा परिषद प्राथमिक शाळा, सुरई येथील मुख्याध्यापिका सौ.प्राची मूदगूल मॅडम, सहशिक्षका सौ.प्रतिभा किरण भुसारे मॅडम आणि प्रज्ञाचे वडील श्री.किरण वामन भुसारे सर उपस्थित होते.
