नवी दिल्ली | टीम इंडियाचा माजी क्रिकेटपटू आणि भारतीय जनता पक्षाचे खासदार गौतम गंभीरला जीवे मारण्याची धमकी देण्यात आली आहे. ISIS काश्मीर या दहशतवादी संघटनेनं ही धमकी दिली आहे.या प्रकरणात गंभीरनं दिल्ली पोलिसांमध्ये तक्रार दाखल केली आहे. गंभीरच्या या तक्रारीनंतर त्याच्या घराची सुरक्षा वाढवण्यात आली आहे.
खासदार गौतम गंभीरनं मंगळवारी रात्री ही तक्रार दाखल केली आहे. दिल्ली पोलिसांकडून या प्रकरणाची चौकशी सुरू करण्यात आल्याची माहिती डीसीपी सेंट्रल श्वेता त्रिपाठी यांनी दिली आहे.ISIS काश्मीर या दहशतवादी संघटनेनं ईमेल आणि फोनच्या माध्यमातून जीवे मारण्याची धमकी दिल्याची तक्रार गंभीरनं केली आहे. सध्या खासदार गंभीर यांच्या घराजवळील सुरक्षा वाढवण्यात आलेली आहे.
समोर आलेल्या माहितीनुसार २००७ साली झालेला T20 वर्ल्ड कप आणि २०११ साली झालेल्या वन-डे वर्ल्ड कपमधील विजयात गंभीरची मोठी भूमिका होती. या दोन्ही वर्ल्ड कपच्या फायनलमध्ये त्यानं टीम इंडियाकडून सर्वात जास्त रन केले होते. गंभीरनं २०१९ साली झालेल्या लोकसभा निवडणुकीपूर्वी भाजपामध्ये प्रवेश केला. सध्या तो पूर्व दिल्लीचा भाजपा खासदार आहे.