निकालापुर्वीच बालाघाटावर शुभेच्छांचे बॅनर झळकले ; जिल्हा दुध संघाची निवडणूक एकतर्फी ?
🔸अशोक काळकुटे | संपादक.
बीड येथील शासकीय जिल्हा दूध संघाची पंचवार्षिक निवडणूक लागलेली असून गेल्या एक महिन्यापासूनच याची लगबग पाहायला मिळत होती.
या निवडणुक रिंगणात दोन पॅनल उतरलेले असुन त्यांचा प्रचार देखील जोरात सुरू होता. आज दि. ०८ जानेवारी २०२२ रोजी मतदान प्रक्रिया पार पडत असुन एकुण ४८ मतदान होणार आहे. परंतु मतदान प्रक्रिया आणि निकालापुर्वीच बीड तालुक्यातील बालाघाटवर शुभेच्छा बॅनर लावण्यात आले आहेत.
स्वाभिमानी शेतकरी दुध उत्पादक पॅनलला या बॅनरवरून अभिनंदन आणि पुढील वाटचालीसाठी शुभेच्छा देण्यात आल्या आहेत. यामुळे सर्वत्र मोठ्या प्रमाणात चर्चा रंगत आहे. आतापर्यंत एकुण ४५ मतदान झाले असून जवळपास ८०% मतदान हे स्वाभिमानी शेतकरी दुध उत्पादक पॅनलला असल्याचा अंदाज बांधला जात आहे. यामुळे हि निवडणूक एकतर्फी, बिनविरोध होण्याची शक्यता वर्तवली जात आहे.