सोलापूर संपादक – महेश पवार
प्रतिनिधी – संतोष विभूते
सोलापूर जिल्हा सहकारी दूध उत्पादक प्रक्रिया संघ निवडणुकीच्या अर्ज छाननी मध्ये माजी अध्यक्ष दिलीप माने राष्ट्रवादीचे जिल्हा अध्यक्ष बळीराम साठे संचालक दिपक माळी सिद्धेश्वर आवताडे यांच्यासह 26 जणांचे अर्ज नामनिर्देशन पत्राचा छाननीमध्ये बाद झाले आहेत. विशेष म्हणजे बघ माळ्याच्या आमदार बबनराव शिंदे यांचे चिरंजीव रणजितशिंदे यांचे क्रियाशील संस्था सभासद मतदार संघ आणि इतर मागासवर्गीय मतदार संघातील दोनही अर्ज मंजूर झाले आहेत.
जिल्हा दूध संघाची निवडणूक प्रक्रिया सुरू असून या निवडणुकीचे उमेदवारी अर्ज छाननी सोमवारी जिल्हा दूध संघाच्या सभागृहात झाली निवडणूक निर्णय अधिकारी कुंदन भोळे सहाय्यक निवडणूक निर्णय अधिकारी आबासाहेब गावडे यांच्या उपस्थितीत ही छाननी झाली. या वेळी 35 हरकती दाखल झाल्या होत्या. त्यावर दुपारी तीन वाजता सुनावणी घेण्यात येऊन मंगळवारी सकाळी सव्वा अकरा वाजता निकाल जाहीर करण्यात आला यामध्ये 26 जणांचे अर्ज बाद करण्यात आले आहेत.