एसटी कर्मचाऱ्यांचा संप मिटेल का? हे उद्या होईल स्पष्ट

धनंजय कुलकर्णी-उपसंपादक,दै.महाराष्ट्र सूर्योदय

एसटी कर्मचाऱ्यांचा संप मिटेल का? हे उद्या होईल स्पष्ट

मुंबई(प्रतिनिधी) :- एसटी महामंडळाच्या शासनात विलिनिकरणावरुन राज्यात सध्या एसटी कर्मचारी संपाव-

र आहेत. यासंदर्भातील अहवाल शासनानं हायकोर्टाकडं सुपूर्द केला असून त्यावर उद्या सुनावणी होणार आहे. त्यामुळं आता कर्मचाऱ्यांचा संप मिटेल का? पुन्हा एकदा एसटीची सेवा सुरळीत सुरु होईल का? हे उद्या स्पष्ट होऊ शकेल.

गेल्यावर्षी २८ सप्टेंबरपासून अद्याप विलिनिकरणाच्या मागणीवर एसटी कर्मचारी संपावर ठाम आहेत. राज्यातील गावखेड्यापर्यंत पोहोचण्याचा एकमेव साधन असलेली ही सेवा बंद झाल्यानं नागरिकांचे हाल होत आहेत. यापार्श्वभूमीवर राज्य शासनानं एसटी कर्मचाऱ्यांच्या प्रतिनिधींशी चर्चा करुन त्यांची राज्य शासनाच्या कर्मचाऱ्यांप्रमाणं पगारवाढही लागू केली. पण तरीही विलिनिकरणाच्या मागणीवर कर्मचारी अद्याप ठाम आहेत.

दरम्यान, राज्य शासनानं विलिनिकरणाचा अहवाल हायकोर्टात सादर केला आहे. त्यावर उद्या कोर्टाचा निकाल येणार आहे. त्यामुळं संपकरी एसटी कर्मचारी, प्रवाशी यांच्या सर्वांच्या नजरा कोर्टाच्या निकालाकडे लागल्या आहेत.