डॉ बाबासाहेब आंबेडकर महाविद्यालयाच्या राष्ट्रीय सेवा योजना विभागाचे सहावे ‘श्रमसंस्कार निवासी शिबीर , लैंगिक शिक्षण हे काळाची गरज आहे : डॉ. अजयराज बाळ
कोकण संपादक / भरत सरपरे
मंडणगड तालुक्यातील आंबडवे येथे राज्य शासन व मुंबई विद्यापीठाच्या वतीने सुरू करण्यात आलेल्या डॉ बाबासाहेब आंबेडकर महाविद्यालयाच्या राष्ट्रीय सेवा योजना विभागाचे सहावे ‘श्रमसंस्कार निवासी शिबीर’ दि. २२ ते २८ फेब्रुवारी दरम्यान मंडणगड तालुक्यातील आंबडवे या ठिकाणी आयोजित केले आहे. त्यावेळी शिबिरादरम्यान डॉ. अजयराज बाळ (लैंगिकतेवर बोलू काही) याविषयी मार्गदर्शन करताना हे म्हणाले की “मुले ज्यावेळी वयात यायला लागतात; साहजिक आहे वयात येणे म्हणजे त्यांच्या शरीराची ती नैसर्गिकरित्या बदल घडवणारी गोष्ट असते.याविषयी बोलायचं म्हटलं तर बऱ्याचदा मुद्दा सोडून वादच जास्त आहेत. किती वाद पाहिले होते त्यावेळी बालक पालक चित्रपट तयार करण्यात आला होता. त्याला आता जमाना झाला. पण नंतर सहसा तो विषय तेवढा हायलाईट करण्यात आला नाही.सध्याचा काळ पाहता आणि नवीन पिढीत कुठल्याही गोष्टीबद्दलची वाढती क्युरिऑसिटी पाहता लैंगिक शिक्षण हे मुला-मुलींना द्यावं. काळाची गरज आहे” असे त्यांनी नमूद केली.
यावेळी शिबिरासाठी कार्यक्रमाधिकारी सहा. प्रा. अमोल शिर्के आणि सहा. कार्यक्रमाधिकारी सहा. प्रा. प्रदीप पोवार, सहा. प्रा. अरुण ढंग, विद्यार्थी प्रतिंनिधी अवधूत केळस्कर व कु. मनाली जगताप, तसेच शिक्षक व शिक्षकेतर कर्मचारी शिबिराच्या यशस्वीतेसाठी प्रयत्न करीत आहेत.
