जालना लाचलुचपत प्रतिबंधक विभागाची कामगिरी
आरोपीचे नाव प्रदिप महादेव जाधव वय 57 वर्ष कृषी अधिकारी पंचायत समिती जाफराबाद वर्ग-2
🔸गणेश जाधव/जालना
तक्रारदार यांची बहिण परगावी राहण्यास असल्याने त्यांच्या शेत जमिनीचे संपूर्ण काम तक्रारदार पहात आहेत.तक्रारदार यांच्या बहिणीच्या नावे मौजे गाडेगव्हाण गावच्या हद्दीमध्ये असलेल्या शेत जमिन गट क्रमांक 75 मध्ये जिल्हा परिषद जालना यांच्या मार्फत डॉ. बाबासाहेब आंबेडकर कृषी स्वावलंबन योजना अंतर्गत नवीन विहीर बांधकाम करिता शासनातर्फे 2,50000/-रुपये अनुदान देण्यात आले.तक्रारदार यांच्या बहिणीच्या शेतामध्ये विहिर खोदकाम करून सदर बांधकाम बाबतचे दोन लाख रुपये बिल यापूर्वी काढण्यात आले होते.सदर विहिरीवरती कठाडे बांधण्याबाबत शासनातर्फे 50 हजार रुपये चे बिल येणे बाकी होते.आलोसे यांनी तक्रारदाराकडे विहिर खोदकाम करण्यासाठी यापूर्वी काढलेले दोन लाख रुपये बिलाचे व सध्या सदर विहिरीचे कठडे बांधकामाचे 50 हजार रुपयांचे बिल काढून देणे या दोन्ही कामासाठीचे दहा हजार रुपये लाचेची मागणी करून तडजोडी अंती 6,000/-रुपये लाच स्वीकारण्याचे मान्य करून पंचायत समिती कार्यालय जाफराबाद येथे 6,000/-रुपये लाच स्वीकारताना पंचा समक्ष रंगेहात पकडण्यात आले.आलोसे यांच्या वरती गुन्हा नोंद करण्याबाबतची कायदेशीर प्रक्रिया चालू आहे.सापळा अधिकारी व तपास अधिकारी श्री. शंकर म.मुटेकर पोलीस निरीक्षक,ला.प्र.वि.जालना.मार्गदर्शक मा.डॉ. राहुल खाडे, पोलीस अधीक्षक,मा.श्री.विशाल खांबे,अपर पोलीस अधीक्षक,मा.श्री सुदाम पाचोरकर पोलीस उप अधीक्षक सापळा पथक-पोलीस अमंलदार गजानन घायवट, गजानन कांबळे,गणेश भुजाडे,मनोहर खंडागळे,प्रवीण खंदारे