सोलापूर संपादक – महेश पवार
प्रतिनिधी – संतोष विभूते
सोलापूर तालुका, पोलीस ठाणे गुन्हे प्रकटीकरणाची कामगिरी
12 पोती हरभरा (चना) व 8 पोती गहु असा एकूण 30,800 /-रुपये किंमतीचा मुद्देमाल हस्तगत
शासकीय अंगणवाडीस शालेय पोषण आहार प्रकल्पा अंतर्गत पुरविण्यात येणारे अन्नधान्य व कडधान्य हे मौजे भोगाव ता. उत्तर सोलापूर येथील गोडाऊन मध्ये ठेवले होते. सदरचे बंद असलेले गोडाऊन दिनांक 23.7.2022 रोजी सायंकाळी 5.00 वा. ते दिनांक 24.07.2022 रोजी दुपारी 04.00 वा. सुमारास अज्ञात चोरटयाने तोडुन आत मध्ये प्रवेश करून गोडाऊन मध्ये ठेवण्यात आलेले 16 पोती साखर, 18 पोती बालक गहु, 9 पोती महिला गहु, 15 महिला चना व 14 पोती महिला मुगदाळ असा एकूण 80,000/- रुपये किंमतीचा मुद्देमाल चोरून नेला म्हणून वैभव भगवान देवकर (वय 26 व्यवसाय ठेकेदार रा. टणु पोस्ट बीके ता. इंदापुर जि.पुणे) यांनी सोलापूर तालुका, पोलीस ठाणेस दिलेल्या फिर्यादी वरून भांदवि कलम 454,457,380 प्रमाणे दिनांक 26.07.2022 रोजी गुन्हा झाला आहे.
सदर गुन्हयातील अज्ञात आरोपी यांचे शोधार्थ सोलापूर तालुका, पोलीस ठाणे कडील गुन्हे प्रकटीकरणातील पोलीस अंमलदार हे मागावर होते. दरम्यान सोलापूर तालुका, पोलीस ठाणेचे प्रभारी अधिकारी पोनि / नामदेव शिंदे यांना सदरचा गुन्हा हा ज्या अज्ञात आरोपी यांनी केला आहे त्याची माहिती त्यांना त्यांचे गोपनिय बातमीदार करवी मिळाली होती. त्याप्रमाणे त्यांनी गुन्हे (डी.बी.) पोलीस अंमलदार यांना सांगुन त्यांना मिळालेल्या माहितीनुसार अज्ञात 2 आरोपी यांचा शोध घेऊन त्याचेकडे विचारपूस करून तपास केला असता त्या दोघांनी सुरुवातीस उडवा उडवीचे उत्तरे दिली त्यानंतर त्या दोघांना अधिक विश्वासात घेऊन तपास केला असता त्या दोघांनी त्याचे इतर 2 साथीदार यांचेसह घरफोडीचा गुन्हा केला असल्याचे सांगितले आहे.
त्या दोघांना गुन्हयाचे तपासकामी दिनांक 22.08.2022 रोजी अटक करून त्या दोघांना मा. प्रथमवर्ग न्यायदंडाधिकारी, सोलापूर यांचे न्यायालयात हजर केले असता मा. न्यायालयांनी दिनांक 26.08.2022 रोजी पर्यंत पोलीस कस्टडी सुनावली होती.
सदर पोलीस कस्टडी रिमांड या दोघाकडुन गुन्हयात चोरीस गेलेल्या मुद्देमाला पैकी 12 पोती हरभरा (चना) व 8. पोती गहु असा एकूण 30,800/- रुपये किंमतीचा मुद्देमाल हस्तगत केला आहे. सदर गुन्हयाचा अधिक तपास पोलीस हवालदार संजय देवकर हे करीत आहेत.
सदरची कामगिरी तेजस्वी सातपुते, पोलीस अधीक्षक, सोलापूर ग्रामीण, हिंमत जाधव, अपर पोलीस अधीक्षक, सोलापूर ग्रामीण अमोल भारती, उपविभागीय पोलीस अधिकारी सोलापूर ग्रामीण उपविभाग सोलापूर यांचे मार्गदर्शनाखाली सोलापूर तालुका, पोलीस ठाणेचे प्रभारी अधिकारी नामदेव शिंदे यांचे नेतृत्वाखाली सोलापूर तालुका, पोलीस ठाणे कडील गुन्हे प्रकटीकरणातील श्रेणी पोलीस उप-निरीक्षक सुनिल बनसोडे, पोहवा/ संजय देवकर, पोलीस नाईक शशिकांत कोळेकर, पोलीस अंमलदार देवा सोलंकर व पैंगबर बदाफ यांनी बजावली आहे.
Related posts:
वीस हजार रुपये लाच मागणार्‍या पोलिस नाईकास अँटी करप्शन पोलिसांनी केली अटक . . .
4 लाख 65 हजार रुपये किमतीचा गुटखा जप्त,एकास अटक. . .
सोलापूर ग्रामीण पोलीस दलाची धडाकेबाज कामगिरी, सोलापूर तालुका पोलीस ठाणे हद्दीतील अतिसंवेदनशील खूनासह दरोडयाच्या गुन्हयाची उकल ०६ आंतरजिल्हा दरोडेखोरांना अटक.
उत्तर सोलापूर तालुक्यातील वडाळा येथे गळफास घेऊन एकाने केली आत्महत्या
