चिखलगाव येथे अखंड हरिनाम सप्ताहास प्रारंभ

राजगुरुनगर – खेड तालुक्याचे पश्चिम भागातील चिखलगाव येथे आज पासून अखंड हरिनाम सप्ताह ” जय जय राम कृष्ण हरी” चे नामघोषात , टाळ मृदंगाच्या मंजूळ स्वरात, भक्तीमय, आनंदाच्या वातावरणात प्रारंभ झाला. आज रविवार सकाळी ठीक दहा वाजता मोहकलकर दिंडी क्रमांक १०१ पितळी विण्याचे मालक ह. भ. प. माधव महाराज रणपिसे यांच्या हस्ते कलश पूजन आणि खेड तालुका कृषी उत्पन्न बाजार समितीचे सेवानिवृत्त सचिव व आडगाव विकास सोसायटीचे संचालक श्री सतीश चा॓भारे पाटील यांच्या हस्ते विणा पूजन करण्यात आले. यावेळी ह. भ. प. नामदेव महाराज गोपाळे , ह. भ. प. निवृत्ती महाराज मुके, ह. भ. प. बाळासाहेब शिंदे, मृदुंगमणी कुमार हर्षल हनुमंत गोपाळे, लक्ष्मणराव मुके , ज्ञानदेव महाराज गुरव , सुरेश गायकवाड , दत्तात्रय सूर्यवंशी , हनुमंत गोपाळे , बाळशिराम गोपाळे , सुरेश गोपाळे, दिनकर गायकवाड आदी ग्रामस्थ व वारकरी उपस्थित होते. वैकुंठवासी गुरुवर्य ह. भ. प. मारुती बाबा गुरव, वैकुंठवासी ह. भ. प. भिकाजी बाबा वाजवणे , वैकु॓ठवासी ह. भ. प. भागोजी बाबा मुके, वैकुंठवासी लक्ष्मण राणोजी गोपाळे यांच्या कृपा आशीर्वादाने हा अखंड हरिनाम सप्ताह सन १९५४ पासून साजरा होत आलेला असून या सप्ताहाचे  ६९ वे वर्ष  आहे. या सप्ताह मध्ये ह.भ.प.पोपट महाराज राक्षे, अनिल महाराज चव्हाण , प्रकाश महाराज साठे , नेताजी महाराज चव्हाण, ज्ञानेश्वर महाराज शेळक॓दे, नितीन महाराज काकडे , सागर महाराज शिर्के, देवेंद्र महाराज निढाळकर यांची कीर्तने आयोजित केलेली आहेत. जागर या कार्यक्रमात पंचक्रोशीतील २६ गावांचा सहभाग आहे अशी माहिती सप्ताह मंडळाचे कार्यकर्ते श्री दत्तात्रय सुर्यवंशी यांनी दिली.
बातम्यांसाठी संपर्क : ९६०४९५४७३७ दैनिक सूर्योदय पुणे

Related posts:

शिवजयंती वर घालण्यात आलेले निर्बंध तात्काळ हटवा -हनुमंत तांगडे पाटील. गजा मारणे टोळीनंतर नीलेश घायवळ टोळी पोलिसांच्या रडारवर ; चॉपरचा धाक… ज्येष्ठ समाजसेविका सिंधूताई सपकाळ यांचे ह्रदयविकाराच्या झटक्याने निधन आडगाव सोसायटीची वार्षिक सभा खेळीमेळीत