धनंजय कुलकर्णी-उपसंपादक,दै.महाराष्ट्र सूर्योदय
पंगत वाढली, ताटात मिष्टांनांची मेजवानी; हनुमान जयंतीनिमित्त वानरसेनेचा अनोखा पाहुणचार
अकोला (प्रतिनिधी):- काल संपूर्ण देशभरात हनुमान जयंती उत्साहात साजरी करण्यात आली. राज्यातही ठिकठिकाणी हनुमान जयंतीनिमित्त विविध कार्यक्रमांचं आयोजन करण्यात आलं होतं.
राज्यातही ठिकठिकाणी हनुमान जयंतीनिमित्त विविध कार्यक्रमांचं आयोजन करण्यात आलं होतं.
अकोला जिल्ह्यातील बार्शिटाकळी तालुक्यातील कोथळी खुर्द गावातही काल उत्साहात हनुमान जयंती साजरी करण्यात आली.
काल (गुरुवारी) हनुमान जयंतीनिमित्त एक अनोखी पंगत पार पडली.
पण ही पंगत कोणत्याही गावकऱ्यांची नव्हती, ही पंगत होती माकडांची.
गावातील मुंगसाजी महाराज संस्थानच्या वतीनं माकडांना मिष्टान्नाची पंगत देण्यात आली आहे.
विशेष म्हणजे, माकडांनीही अगदी शिस्तीत हा पंगतीचा आस्वाद घेत मिष्टान्नांवर ताव मारलाय.
या अनोख्या पंगतीचे फोटो सध्या व्हायरल होताहेत. रामदास महाराजांनी माकडांना ही पंगत दिलीये.