बीड / गेवराई
मराठा आरक्षणासाठी बलिदान देणाऱ्या माटेगाव (ता. गेवराई) येथील कै. आबासाहेब बालासाहेब शिंदे या तरुणाने आत्महत्या केली होती. या शिंदे कुटुंबीयांची राष्ट्रवादी शरद पवार गटाचे उमेदवार बजरंग सोनवणे यांनी भेट घेवून सांत्वन केले.
बीड लोकसभेचे राष्ट्रवादी शरद पवार गटाचे व इंडिया आघाडीचे उमेदवार बजरंग बप्पा सोनवणे हे गेवराई तालुक्यात प्रचार दौऱ्यावर होते. त्यांनी माटेगाव येथील मराठा आरक्षणासाठी बलिदान देणाऱ्या आबासाहेब बालासाहेब शिंदे यांच्या घरी भेट घेवुन त्यांच्या कुटुंबीयांचे सांत्वन केले. त्यांनी निवडून आल्यानंतर संसदेत आरक्षण प्रश्नी आवाज उठवू. मराठा आरक्षणावर संसदेत चर्चा करून त्याला वाचा फोडणे हीच खरी आबासाहेब शिंदे यांना श्रद्धांजली असेल अशी भावना ही बजरंग बप्पा सोनवणे यांनी व्यक्त केली. यावेळी माजी मंत्री बदामराव आबा पंडित, किसान सेलच्या प्रदेशाध्यक्ष पूजाताई मोरे, अण्णासाहेब राठोड, युवा नेते सभापती युद्धजीत पंडित, अण्णासाहेब राठोड, श्रीनिवास बेदरे, धम्मपाल कांडेकर, माजी सभापती पंढरीनाथ लगड, अमोल करांडे, अमोल सुतार यांच्यासह इंडिया आघडीतील घटक पक्षातील नेते उपस्थित होते.