जयभवानी शिक्षण संकुलात महाराष्ट्र दिन उत्साहात साजरा
गेवराई दि.१ प्रतिनिधी;- येथील जयभवानी माध्यमिक व उच्च माध्यमिक विद्यालयात एक मे रोजी महाराष्ट्र दिन उत्साहात साजरा करण्यात आला. प्रारंभी उपस्थित मान्यवरांच्या हस्ते संयुक्त महाराष्ट्राचे पहिले मुख्यमंत्री यशवंतराव चव्हाण यांच्या प्रतिमेचे पुजन करण्यात आले. प्राचार्य वसंतराव राठोड यांच्या हस्ते ध्वजारोहण करण्यात आले.
या कार्यक्रमाला वरिष्ठ महाविद्यालयाचे प्राचार्य डॉ. सदाशिव सरकटे, श्रीरंग ढवळे बाबा, शिवाजी गागरे, पर्यवेक्षक गायकवाड के. एन., श्रीमती गागरे, प्रा. राजेंद्र जाधव, प्रा. डॉ. कलंदर पठाण,
प्रा. आनंद बडवे, एन. एस. एस. चे कार्यक्रमाधिकारी प्रा. लगड एस.एस., यांच्यासह मान्यवर उपस्थित होते. या कार्यक्रमात संगित विभागाचे राजेंद्र काळे यांनी महाराष्ट्र गित सादर केले.
यावेळी विद्यार्थ्यांना निकाल वाटप करण्यात करण्यात आला. सुत्रसंचलन रणजित बडे यांनी केले. या कार्यक्रमाला सर्व विद्यार्थी, शिक्षक, प्राध्यापक, शिक्षकेतर कर्मचारी मोठ्या संख्येने उपस्थित होते.
