पाथरवाला बु. येथे मराठा क्रांती योद्धा मनोज जरांगे पाटील यांचे जल्लोषात स्वागत
पाथरवाला ;- दरवर्षी प्रमाणे अखंड हरिनाम सप्ताह व शिवमहापुराण कथा सोहळ्यानिमित्त संघर्ष योद्धा शिवश्री मनोज जरांगे पाटिल यांनी दि.6 मे रोजी सायं 7 वाजता पाथरवाला बु. येथे भेट दिली. यावेळी उपस्थित ग्रामस्थांचा वतीने भव्य मिरणुकी काढून पुष्पवृष्टी करून जरांगे पाटिल यांचे स्वागत करण्यात आले.
मौजे पाथरवाला बुद्रुक येथे श्रीनगद नारायण महाराजांचे उत्तर अधिकारी श्री माणिक बाबा यांच्या मूळ पादुका स्थापन आहेत या निमित्ताने ह.भ. प.महंत शिवाजी महाराज नारायण गडकर, नगद नारायण महाराज जन्मभूमी संस्थांचे महंत रंगनाथ महाराज यांच्या मार्गदर्शनाखाली यावर्षी अखंड हरिनाम सप्ताह व शिव महापुराण कथा ह.भ. प .भागवताचार्य जगदीशानंद महाराज ढोले यांची संपन्न झाली यावेळी जरांगे पाटलांनी सप्ताहस भेट देऊन भाविकांना संबोधित केले आपसात भांडण करू नका, व्यसनापासून दूर राहा, दारू कुणी पेऊ नका असा संदेश दिला. मराठा आरक्षण प्रश्न सर्वांनी एकजूट राहा व गाव खेड्यातील ओबीसी व मराठा बांधव यांच्यात दुरावा न होता सर्वांनी गुण्यागोविंदाने नांदा असे संबोधित केले यावेळी महंत रंगनाथ महाराज ,जगदीश महाराज , राजदीप महाराज, वशिष्ठ महाराज, नागेश महाराज उपस्थित होते व ग्रामस्थ पंचक्रोशीतील व तालुक्यातील मोठ्या संख्येने समाज बांधव उपस्थित होते.