जामखेड येथे उपमुख्यमंत्री देवेंद्र फडणवीस यांची ९ मे रोजी सभा
जामखेड प्रतिनिधी;-नगर लोकसभा मतदारसंघातील मतदार ज्या सभेची आतूरतेने वाट पाहत आहेत. ती महाराष्ट्र राज्य चे उपमुख्यमंत्री देवेंद्र फडणवीस यांची सभा ९ मे रोजी आमदार प्रा राम शिंदे यांच्या मार्गदर्शनाखाली जामखेड शहरातील बाजारतळ मैदानावर होणार आहे. याबाबतची माहिती भाजपचे शहराध्यक्ष पवन राळेभात यांनी दिली.
सध्या प्रचार अखेरच्या टप्प्यात असल्याने या सभेचे सर्वांना वेध लागले आहे.उपमुख्यमंत्री देवेंद्र फडणवीस हे जामखेड च्या भूमीत प्रथमच येत आहेत. निवडणुकी खा. डॉ. सुजय विखे यांनी प्रचारात आघाडी घेतली असल्याने सध्या जिल्ह्यात त्यांचे वातावरण असून उपमुख्यमंत्री देवेंद्र फडणवीस यांच्या सभेने त्यात अधीक भर पडणार आहे.
जामखेड शहरातील बाजारतळ येथील मैदान येथे उपमुख्यमंत्री देवेंद्र फडणवीस यांच्या स्वागताची जय्यत तयारी सुरू आहे. उपमुख्यमंत्री देवेंद्र फडणवीस यांची सभा ऐकण्यासाठी लोकांची मोठ्या प्रमाणात गर्दी लोटणार असून त्याचे नियोजन करण्यात सर्व महायुतीचे घटक पक्ष काम करत असल्याचे जामखेड भाजपा शहराध्यक्ष पवन राळेभात यांनी सांगितले.
