शिवसेना आमदार संजय गायकवाड यांनी विरोधी पक्षनेते देवेंद्र फडणवीस यांच्या तोंडात कोरोनाचे जंतू कोंबण्याच्या विधानावरून भाजपा आमदार संजय कुठे यांनी आमदार गायकवाड यांच्या विधानाचा निषेध करत त्यांचा पुतळा जाळला होता. याच मुद्द्यावरून आमदार संजय कुटे आणि आमदार गायकवाड यांच्यात शाब्दिक चकमक उडालेली पाहायला मिळत आहे.
त्यात आता संजय कुटे यांनी ट्विट करत गायकवाड यांच्याबरोबर शिवसेना खासदार संजय राऊत यांच्यावर सुद्धा त्यांच्या बेशिस्त वक्तव्यावर निशाणा साधला आहे. संजय कुटे यांनी ट्विट करत म्हंटल की शिवसेनेचे सगळेच ‘संजय’ बेशिस्त आहेत, यात आता कसलीही शंका उरली नाही. आधी राऊत, नंतर राठोड आणि आता संजय गायकवाड अशा शब्दात भाजपा आमदार संजय कुटे यांनी शिवसेनेचा समाचार घेतला आहे.
काय म्हणाले होते संजय गायकवाड वाचा
संजय कुटेसारखे आमदार दारू पिऊन वावरात पडलेले असतात. त्याला सर्व शौक आहे तो मवाली आहे. तुझ्या मायनं दूध पाजलं असेल तर ५० मीटर माझ्या जवळ येऊन दाखव तुला संजय गायकवाड काय आहे ते दाखवतो अशी धमकी शिवसेना आमदार संजय गायकवाड यांनी भाजपा आमदार संजय कुटे यांना दिली आहे.
काम कमी बाते जादा..!!
शिवसेनेचे सगळेच 'संजय' बेशिस्त आहेत, यात आता कसलीही शंका उरली नाही…
आधी राऊत, नंतर राठोड आणि आता संजय गायकवाड. @BJP4Maharashtra— Dr.Sanjay Kute- डॉ.संजय कुटे (@DrSanjayKute) April 18, 2021