*पावनधाम येथे गुरूपौर्णिमा साजरी* *एकवीस हजार पानांनी मंदिरातील गाभार्याची सजावट*

केज (प्रतिनिधी) तालुक्यातील श्री क्षेत्र संत तुकोबाराय पावनधाम येथे दरवर्षी प्रमाणे हजारो भक्तांच्या उपस्थितीत होणारा गुरूपौर्णिमेचा कार्यक्रम यावर्षी कोरोणाच्या पार्श्वभूमीवर सोशल डिस्टन्स ठेवून मोजक्या लोकांच्या उपस्थितीत साजरा करण्यात आला.
संत तुकोबाराय पावनधाम येथे संस्थानचे संस्थापक अध्यक्ष तथा वारकरी महामंडळाचे मराठावाडा विभागीय अध्यक्ष ह.भ.प.महादेव महाराज बोराडे शास्त्री यांच्या मार्गदर्शनाखाली गुरूपौर्णिमेच्या निमित्ताने संत तुकोबारायांच्या गाभार्यात एकवीस हजार पानांची सजावट सोमनाथ बोरगाव येथील वारकरी आणि महाराजांचे भक्त ज्ञानोबा नागोराव सोमवंशी यांनी केली. दिवसभर सोशल डिस्टन्स ठेवून महाप्रसादाची सोय ज्ञानेश्वर बभ्रूवाहन जाधव यांनी केली. मोजक्या लोकांच्या उपस्थितीत ह.भ.प.महादेव महाराज बोराडे शास्त्री यांची किर्तन सेवा संपन्न झाली. यावेळी बोलताना बोराडे शास्त्री म्हणाले कि, कोराणाचे संकट लवकरात लवकर दूर व्हावे, हिच विठोबा-तूकोबाच्या चरणी प्रार्थना.
सायंकाळी पावनधाम येथील संस्थानच्या उपस्थितीत विद्यार्थ्यांच्या वतीने गुरूवर्य महंत महादेव महाराज बोराडे शास्त्री यांची पाद्य पूजा करण्यात आली.कार्यक्रमाच्या यशस्वीतेसाठी अमोल महाराज, अशोकबापू महाराज, जनार्धन महाराज,हनुमंत शिरसट महाराज, पारेकर बप्पा, गणपत पांचाळ यांनी केले.