*तीन लाख रु. साठी विवाहितेचा छळ : नवरा सासू सासऱ्यासह सात जणांविरुद्ध गुन्हा दाखल*!! ——————————————————-

*केज! प्रतिनिधी* :-
केज तालुक्यातील हदगाव डोका येथे विवाहितेचा तिच्या सासरच्या लोकांनी ट्रॅक्टर घेण्यासाठी माहेरहून तीन लाख रु घेऊन ये म्हणून तिला मारहाण करून शारीरिक व मानसिक छळ केल्या प्रकरणी तिचा नवरा, सासू सासरे व इतर नातेवाईक अशा सात जणांच्या विरुद्ध गुन्हा दाखल करण्यात आला आहे.

या बाबतची माहिती अशी की, हदगाव ता. केज येथील भाग्यश्री अजित यादव वय २१ वर्ष या विवाहितेस तिच्या सासरी तिच्या नवऱ्याला ट्रॅक्टर घेण्यासाठी माहेरहून तीन लाख रु. घेऊन ये. अशी मागणी करीत असत. मात्र भाग्यश्री हिचे आईवडील हे गरीब असल्याने ते पैसे देऊ शकले नाहीत. म्हणून भाग्यश्री हिला सर्वांनी मारहाण करून उपाशी पोटी ठेवणे व जाच जुलूम करून नांदवण्यास नकार देत घरातून हाकलून दिले. तसेच तिला शारिरीक व मानसिक त्रास दिला.

भाग्यश्री यादव हिने दि. १६ सप्टेंबर रोजी केज पोलीस ठाण्यात तिचा नवरा अजित रामदास यादव, सासरा रामदास गोवर्धन यादव, सासु अयोध्या रामदास यादव, आजे सासरा, दिर, नणंदव नंदावी यांच्या विरुद्ध तक्रार दिली आहे त्या नुसार सात जणांच्या विरुद्ध गु र न ४५२/२०२१ भा दं वि ४९८(अ), ३२३, ५०४ व ५०६ नुसार गुन्हा दाखल झाला आहे. 

प्रभारी ठाणे प्रमुख सहाय्यक पोलीस निरीक्षक शंकर वाघमोडे यांच्या मार्गदर्शनाखाली पिंक पंथकाच्या महिला पोलीस जमादार रुक्मिणी पाचपिंडे या पुढील तपास करीत आहेत.

————————————————-

Related posts:

संस्थेचे प्रकरण न्याय प्रविष्ठ आसताना प्रादेशिक आयुक्तांनी हेतू पुरस्कर व अन्यायकारक आदेश मागे घ्यावा. व्यापाऱ्यांनी सोयाबीन बियाण्याची कृत्रीम टंचाई निर्माण करू नये- रमेश गालफाडे. कर्नाटक येथे झालेल्या राष्ट्रीय कराटे स्पर्धैतील विजेत्यांचा मा.विष्णू घुले यांनी केला सत्कार…! *”पत्रकार श्रीराम तांदळे यांच्या वरील खोटा गुन्हा तपासा अंती निकाली काढावा- मराठी पत्रकार परिषद, महाराष्ट्र राज्य…..!*