केज!प्रतिनिधी(दि. २१):- केज तालुक्यातील लाडेगाव येथील गायरान प्रकरणा वरून तालुक्यातील सर्व दलित पक्ष व संघटना आक्रमक झाल्या असून दलित अन्याय अत्याचार निर्मूलन समितीच्या बॅनरखाली एकत्र येऊन दि. २१ सप्टेंबर मंगळवार रोजी सर्वपक्षीय आमरण उपोषणाला बसले आहेत.
लाडेगाव ता. केज येथील गायरान प्रकरणा वरून सर्व दलित संघटना व पक्ष एकत्र आले आहेत. दि. २१ सप्टेंबर मंगळवार रोजी ११:३० वा. केज तहसील कार्यालया समोर आमरण उपोषणाला बसले आहेत.
उपोषणार्थींच्या मागण्या पुढील प्रमाणे आहेत. त्या मागण्या अशा आहेत; युसुफवडगाव पोलीस ठाण्याचे सपोनि संदीप दहिफळे व बिट जमादार डोईफोडे यांना निलंबित करावे. दलित समाजातील अतिक्रमण धारकांना विरोध करण्यासाठी या गायरान जमिनीवर राबविण्यात येणार असलेले वनीकरण आणि नियोजित सौर ऊर्जा प्रकल्प रद्द करण्यात यावा. गायरान जमिनितील पिकांच्या नुकसानीचे पंचनामे करावे. गायरान जमिनीशी अर्था-अर्थी काही एक संबंध नसणारे सवर्ण समाजातील गावगुंड हे दलित समाजावर अन्याय करीत असताना व त्यांच्या गुन्हे दाखल असतानाही प्रशासन कार्यवाही करीत नसल्याने दलित वर्गात भीतीचे वातावरण निर्माण झाले आहे. तसेच दलित समाज हा गुन्हेगारी प्रवर्गातील नाही तरी आकसापोटी त्यांच्यावर दरोड्याचे गुन्हे दाखल केले गेले आहेत. त्यामुळे प्रशासनाने सामाजिक सलोखा व ऐक्य अबाधित ठेण्याचा प्रयत्न करावा. या मागण्या आहेत.
चौकट :-
सामाजिक न्याय राज्यमंत्री व पालकमंत्री ना. धनंजय मुंडे यांच्या मुळेच दलित समाजावर अन्याय अत्याचार होत आल्याचा आरोप रिपाइंचे दीपक कांबळे व बहुजन वंचित आघाडीचे निलेश साखरे यांनी केला असून केज मतदार संघाच्या आमदार नमिताताई मुंदडा यांनी याकडे लक्ष दिले नाही अशीही उपोषणकर्त्याची मागणी आहे.
Related posts:
संस्थेचे प्रकरण न्याय प्रविष्ठ आसताना प्रादेशिक आयुक्तांनी हेतू पुरस्कर व अन्यायकारक आदेश मागे घ्यावा.
व्यापाऱ्यांनी सोयाबीन बियाण्याची कृत्रीम टंचाई निर्माण करू नये- रमेश गालफाडे.
कर्नाटक येथे झालेल्या राष्ट्रीय कराटे स्पर्धैतील विजेत्यांचा मा.विष्णू घुले यांनी केला सत्कार…!
*”पत्रकार श्रीराम तांदळे यांच्या वरील खोटा गुन्हा तपासा अंती निकाली काढावा- मराठी पत्रकार परिषद, महाराष्ट्र राज्य…..!*
