खेड तालुक्यातील आडगाव सोसायटीच्या ४४५ सभासदांना पीक कर्जाचे वाटप

दैनिक सूर्योदय पुणे
संजय दाते पाटील
पाईट-[ राजगुरुनगर] २२ एप्रिल २०२४
आडगाव विविध कार्यकारी सेवा सहकारी सोसायटीच्या वतीने एकूण 445 सभासद शेतकऱ्यांना 3 कोटी 67 लाख 86 हजार 750 रुपयांच्या पीक कर्जाचे वाटप करण्यात आल्याची माहिती चेअरमन चिंधू पिसाळ, सचिव लक्ष्मण शिंदे यांनी दिली.
आडगाव सोसायटीचे कार्यक्षेत्रात आडगाव, सुपे – सातकरवाडी, टेकवडी, वाघु – साबळेवाडी ,कान्हेवाडी खुर्द इत्यादी गावांचा समावेश असून 445 सभासद आहेत. पीडीसीसी बँकेच्या माध्यमातून खरीप हंगामासाठी 445 सभासद शेतकऱ्यांच्या 350/35 हेक्टर क्षेत्रासाठी पीक कर्ज मंजूर करण्यात आले. त्यानुसार चेअरमन चिंधु पिसाळ, कृषी उत्पन्न बाजार समिती खेड चे सेवा निवृत्त सचिव व सोसायटीचे संचालक सतीश चांभारे, विष्णू साबळे, संजय बेंडूरे, उल्हास बुढे, भाऊ पानमंद ,जितेंद्र गोपाळे, सतू गोपाळे , सतीश मोहन,लक्ष्मण गोपाळे व मोहन गोपाळे, सगुणाबाई लिंबाळे , सुपे चे माजी सरपंच गिरजू चांभारे, उपसरपंच दिनेश बुढे , सुपेचे तंटामुक्ती समितीचे अध्यक्ष साहेबराव सातकर, वाघुचे माजी सरपंच वसंत साबळे, सुपे ग्रामपंचायतीचे सदस्य अरुण पिसाळ, आडगावचे माजी उपसरपंच बबन बाबुराव गोपाळे, बँकेचे पाईट शाखेचे व्यवस्थापक तुकाराम धादवड, विकास अधिकारी प्रशांत रौंधळ, कॅशियर साहेबराव शिंदे, सचिव लक्ष्मण शिंदे आदिंच्या हस्ते शेतकऱ्यांना पीक कर्ज
वितरीत करण्यात आले .
पुणे जिल्हा मध्यवर्ती सहकारी बँकेकडून ठरवून दिलेल्या मुदतीत शेतकऱ्यांना 3 लाख रुपयापर्यंत शून्य टक्का व्याजाने पीक कर्ज दिल्याने लाभार्थी शेतकऱ्यांना दिलासा मिळत आहे.या योजनेचा शेतकऱ्यांनी लाभ घ्यावा असे आवाहन पुणे जिल्हा सहकारी दूध संघाचे संचालक अरुण
चांभारे यांनी केले आहे.
या वेळी नथू गोपाळे , साहेबराव ससाणे, महादू बेंडुरे, भागूजी पिसाळ , नामदेव बेंडुरे, लक्ष्मण बेंडुरे, शिवाजी काळभोर, गणपत बेंडुरे, चांगदेव बुढे, शिवाजी सातकर, बबन खेडेकर आदी सभासद शेतकरी उपस्थित होते.