बीड :- राष्ट्रवादी काँग्रेस पक्ष शरदचंद्र पवार आणि इंडिया आघाडीचे बीड लोकसभेचे उमेदवार बजरंग बप्पा सोनवणे यांनी आपली उमेदवारी दाखल करण्यापूर्वी स्वर्गीय विनायकराव मेटे यांच्या समाधी स्थळावर जाऊन समाधीचे दर्शन घेतले.
दि. २२ एप्रिल रोजी राष्ट्रवादी काँग्रेस-शरदचंद्र पवार पक्ष आणि इंडिया आघाडीचे बीड लोकसभेचे उमेदवार बजरंग बप्पा सोनवणे यांनी आज आपला उमेदवारी अर्ज दाखल केला. त्यापूर्वी त्यांनी शहरातील डॉक्टर बाबासाहेब आंबेडकर, छत्रपती शिवाजी महाराज, लोकशाहीर आण्णाभाऊ साठे, महात्मा ज्योतिबा फुले, क्रांतीज्योती सावित्रीबाई फुले, बसवेश्वर महाराज यांच्या पुतळ्यांना पुष्पहार अर्पण करून अभिवादन केले. तसेच शहेनशाहवली दर्गा येथे चादर अर्पण करून आशीर्वाद घेतले. त्या नंतर त्यांनी लोकनेते स्वर्गीय विनायकराव मेटे यांच्या समाधी स्थळाचे दर्शन घेतले आणि त्या नंतर जिल्हाधिकार्यालयात कार्यकर्त्यांसह जाऊन अत्यंत साधेपणाने आपला उमेदवारी अर्ज दाखल केला.
